Science subject hi class XI atanga zir bing theih a ni a, chutianga Science la thei tur erawh chuan HSLC-ah mark 45% (aggregate) chunglam tal hmuh a ngai thung. Hei pawh hi institution that dan a zirin a danglam thei hle. Institution thenkhata lut thei tur chuan HSLC-ah mark sang tak hmuh a ngaih bakah entrance test hmachhawn a ngai thin. Hengte hian Science zir tur chuan mi thluak tha leh taima nih a ngai tih a ti chiang mai awm e.
Science Stream lama kalte tan hian eizawn duhna a zirin General Science leh Professional Course lamah a kal theih a. General Science lama kalte chuan Science College-ah B.Sc. zir zawmin M.Sc. leh a chunglam thlengin an zir thei a. Hei hi Technical lama kal tum tan chuan a tha hle. Professional Course lam zir duhte chuan Engineering emaw, Medical line lam emaw an thlang tlangpui thung.
Science hi group hnih - PCM (Physics, Chemistry, Mathematics) leh PCB (Physics, Chemistry, Biology)-ah then a ni a. PCM leh PCB-te hi an line/eizawnna kawng pawh a dang daih a, PCM-te Engineering line lamah an kal theih laiin PCB-te chu Medical leh a kaihhnawih chi hrang hrang- bio-chemistry, biotechnology, microbiology, agricultural leh dairy science lamah an kal thei thung.
PCB-te tana zir theih leh eizawnna kawng hrang hrang awm theite:
- MBBS
- BAMS (Ayurveda)
- BHMS (Homoeopaty)
- BUMS (Unani)
- Dental (BDS)
- Veterinary Science (BVSc.AH)
- Noturopathy & Yogic Science
- Physiotheraphy (BPT)
- Integrated MSc.
- Nursing (BSc Nursing & GNM)
- Pharmacy (B.Pharm, M.Pharm)
- Teaching
- Managemet (MBA etc)
- Life Science - Zoology, Botany, Biochemistry, Biotechnology, Microbiology, Forensic Science, Nano Technology, etc.
- Agriculture (BSc Agri) etc
PCM-te tana zir theih leh eizawnna kawng hrang hrang awm theite:
- Architechture (B.Arch.)
- Engineering (B.E./ B.Tech): Computer Science, Mechanical, Electronics and Tele-Communication, Electrical, Automobile, Civil Engg. IT, Dairy Technology, Mining, etc
- Integrated M.Sc
- Defence-NDA, etc
- Merchant Navy
- Commercial Pilot
- Teaching
- Management
Heng bakah hian Science Stream a kalte hian Civil Services lamte, Banking lamte, Management lam leh eizawnna hrang hrang an luhchilh thei reng tho bawk a, a chang a zau em em a ni. Science Stream a kal, an zirlai thiam takte tan chuan eizawnna a awlsam bik em em a ni.
Science hi subject awlsam tak an nih loh hlawm avangin mi thatchhe deuh tan zir chi loh tak a ni. Mi taima, thil chik leh uluk peih deuhte zir chi a ni tlangpui.
Medical line lama kal tumte tan chuan midang tanpui duhna rilru put a ngai a. Chutiang rilru pu tan lo chuan khawvela hna hreawm ber a ni thei. Chutiang bawkin Office a mawihnai taka hnathawh reng tum tan Engineering lam chu a buaithlakna chin a awm mai thei bawk. Eng pawh nise, eng career pawh thlang dawn ila, kan thlan hmain career chuan khawiah nge min hruai dawn tih leh a hna thawh dan kalhmang tlangpui bakah sum hautak dan chenin hriat hmasak tum zel ni se a tha ang.
Source: Hillsgate
- Hlima Pachuau
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: