1. Mahni Personality hriatchian:
Kan personality chu kan tui zawng, ngainat zawng, thluak that zawng, ngaihben zawng, rilru puthmang, nungchang etc ten an siam a ni a. Mi biang biak thiam leh harhvang tak chu sumdawn an thiam nge nge, mi themthiam, thil siamchhuak zung zung thei chi chu engineering-ah an tha, mi tawng tlem deuh leh zakzum deuh chu clerical line ah an zei duh phian etc. Mahni personality mil loh lam hi chu kan ngaina lovin, nuam kan ti lo tlangpui. Chuvangin kan kalna lam kan thlan fel dawnin ka tui zawng a ni ang em? Ka mizia nen a inmil em? tih te ngaihtuah lawk a ngai a ni.
2. Tui zawng (Interest) hriat:
Hemi kawngah hian nu leh pa tam tak kan chesual fo mai. Ram changkang angin career counselling thami tam zawk hian kan dawng ve thei lova. Chuvangin, nu leh pate hi mi tam tak tan chuan kan career counsellor hmuh chhun te an ni fo. Ka fanu/fapa kalna awm a ni em? A mizia nen a inmil em? tih ngaihtuah mumal lova nu leh paten kan duhna leh tha kan tihna kawnga fate kan nawr lui thin hian an career a tihchhiat sak phah fo thin. Nula pakhat chu a nu leh pate Medical doctor ve ve an ni a. An fanu chu MBBS zir tir ve ringawt an thupui a. A chhungte thu zawmin chu nula chu MBBS a zu zir a. Kum hnih hnuah beidawngin a rawn haw a. Chumi hnuah a chhungte chuan a tuina ber Arts stream ah zir tirin, college-ah B.A. English (Hons) an lak tir thung a, tha takin a graduate ta a ni. Nu leh pate hian thahnem ngaih luat avangin kan fate career kan tichhe thei tih i hria ang u.
Tin, kan tui zawng tak kan zir/thawk thei tur chuan vawi leh khata bawh thut chi a ni lo tih kan hriat a tha. Fim taka ngaihtuah a, uluk taka inbuatsaih lawk thin tur a ni. Kan chak zawng hi kan tui zawng a ni kher lo tih pawh hre tel ila. Ngun takin in ngaihtuah la, i chak ber leh tui zawng tak, i dream chu tunhnai kum hnih khata i chhar ni lovin, i naupanlai atanga tun thlenga i la theihnghilh theih loh, i la nin loh leh i la thiam reng zawk kha a ni tih hria ang che.
3. Rilru puthmang (Mental set up):
Hna reng reng hian nihphung/thawh dan tur leh kalphung a nei vek a. Chumi mil chuan i thawk thei ang em? tih i hriat a pawimawh hle. Entir nan, zirtirtu tha ni tur chuan zaidam te, thu sawifiah thiam tak nih te a lo ngai a, dawr nghaktu tha leh dawr nuam ni tur chuan dawhthei leh mi biang biak thiam nih te a ngai a, doctor thiam leh mi fak hlawh ni tur chuan taimak, inpek leh midang te harsatna sutkian sak nuam ti mi nih te a ngai. A hna in a ken tel mawhphurhna hlen peih si lova a hlawh chiah duh vanga thawk i nih chuan eng anga sum leh pai tam thawk chhuak in nuamsa eltiang mah la, career hlawhtling i nei ngai chuang lovang.
4. Midang berawn tam rawh:
I career atan engkim i hre vek seng dawn lova, hriat sen vek theih lah a ni hek lo. Chuvangin, i kalna tur lama lo kal hmasa tawh te berawn tam la, an thurawn hman tangkai tum bawk ang che. Chu chuan nasa takin i hun leh tha sen tur a hum sak ang che a, career hlawhtling i neihna tur kawngah a tanpui ngei ang che. Tin, career counsellor rawn hi a finthlak hle.
5. Hmanhmawh suh:
Career thlang fel turin hmanhmawh suh. Chutih rual chuan a tahtawl a i rilru i lo sen hma a ngai a. HSLC i la pass lo a nih chuan Doctor-in eng nge an zir thin tih lam ngaihven viau aiin Matric i pass hunah eng stream ah nge i kal ang tih ah i rilru sawrbing la. HSSLC i zir hunah i kalna stream ah chuan eng hawi zawngin nge i career i siam chhoh zel ang tih ngun takin i ngaihtuah leh ang a, chutiang zelin. Thlen chin mil zela uluk taka career hlawhtling leh tluantling a din chhuak thin tih hriat a pawimawh hle.
6. Plan B nei rawh:
Mihring te hi a tam zawk hi chu kan duhthusam kan thleng pha lo fo thin. Rim taka kan thawk chung pawha kan hun tawnin a zir loh vang te leh hriat lawk loh harsatna hrang hrang avang te in kan duhthusam ni chiah lova kan lungawi mai a ngaih chang a awm fo thin. Chutiang i lo tawng palh a nih pawhin beidawng mai suh. I duh ber i thleng/ ni thei ta lo a ih palh hlauh pawha career hlawhtling tak i neih theihna tur a tha ber dawttu kawng zawh thei turin i career plan ah ruahmanna nei tel thin ang che.
- Source: Hillsgate
- Hlima Pachuau
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: