Zirna Huang: Career in Psychology

byHlima Pachuau — 1


    Psychology hi Science peng pakhat, awmze nei taka awmze nei taka mihring leh rannung dangte leh nunphung zirna a ni ber a. Psychologist ni tur chuan midangte tanpui duhna rilru pu mi nih a ngai a ni.


    Psychologist ni tur hian medical degree neih a ngai lova. Amaherawhchu, Psychology lam zirna kum engemawzat neih a ngai thung. Plus two level-ah emaw, Graduation level-ah emaw, Post-Graduation level-ah emaw a zir theih a. Psychology peng hrang hrang- Social Psychology, Child Psychology, Occupational Psychology, Clinical Psychology, Educational Psychology, Experimental Psychology leh a dang tamtak a awm a. Heng field hrang hrangahte hian zir leh thawh theih vek a ni.

Eligibility & Course Areas:
    Plus 2 leh a level pui atangin psychology hi zir theih a ni a. Graduation-ah erawh chuan University tamtakah chuan Psychology hi honours subject anga lak a ngai a ni. Graduate zawh hunah chuan MA/MSc Psychology, Social Work emaw Counselling emaw lak chhoh leh tur a ni a. Hetiang hnuah hian a duh tan chuan M.Phil emaw Ph.D emaw a zir chhunzawm leh zel theih bawk.


    Hetiang a nih rual hian Psychology-a Post-Graduate zir tur chuan Graduate-a Psychology lo la ve tawh nih a ngai a. Hetiang lama hna a i tui a, practice i duh a nih chuan, Psychology lam hnaih subject Educaton leh Social Work te pawh zir tel a tha khawp mai. Hetiang ni lemlo, engemaw chen hre ve duh tan pawh Special Education / Mental Reatardation-ah Diploma Course a zir theih bawk.

Duration:
    Psychology zir hunchhung hi Graduation-ah kum thum a ni a, Post Graduate (MA/MSc) ah kum 2 niin M.Phil emaw Ph.D hi kum 2 emaw a aia rei zir leh a ngai bawk.

Personal Skills:
    Communication skill nei tha tak, mi zaidam, social/cultural leh age group ang chi a hnathawh nuam ti leh midang tanpui nuamti mi nih a ngai a. Mi sensitive leh caring tak, an harsatna tawh leh an background a zira midangte endan thiam mi nih a ngai bawk.


Course Area:
    Psychology zirna hian a huam zau viau mai a. Heng a hnuaia mi zawng zawngte hi a huam vek a ni: processes of thinking, learning and perceiving, remembering, forgetting, physiology of the nervous system, development of children, social relationships and their effect on personality development, mental disorders, application of psychology to the study of society, industry, education etc., techniques of experimenting and testing, and statistics. Professional course ti tak tak tur phei chuan Science leh Mathematics pawh engemaw chen hriat ve a ngai nghe nghe.

Job Prospect & Career Options:
    An zir bing bik a zirin an hnathawh theih dan a hrang ve thei hle a. Tamtak chu University leh College, Primary leh High School, sorkar agency hrang hrangahte, private industry leh hospital, clinic-ahte bakah mahni a practice te pawhin a thawh theih a. Hengh te pawh hian zirtirtu angin emaw, Psychologist pangngai angte pawhin thawh theih vek a ni. Thenkhat chu Social organisation lamah te, research lamah te, rehabilitation centre, prison, child/youth guidance centre, advertising industry leh a dang tamtakah an thawk bawk.
    He subject-a Master Degree nei tam tak chu doctor pangngai level-a psychologyist ang tak taka thawk an tam a. Graduate chin chu community health care leh vocational rehabilitation-ah an thawk tlangpui thung.

Career Options:
    Sawi tawh angin Specialisation azirin thawh theih zawng a inang lo thei hle a. Heng Specialist hrang hrangte hian anmahni line theuhah kalhmang nei takin hna an thawk thin a ni.
  1. Clinical Psyhcologist
  2. Counselling Psychologist
  3. Social psychologist
  4. Educational Psychologist
  5. Industrial Psychologist
  6. Research Psychologist
  7. Developmental Psychologist
    Remuneration:Professional Psychologist hna hi hlawh tha tak a nih bakah a challenging em em bawk. Hlawh hi qualification, specialisation leh experience a zirin a danglam thei hle. M.Phil and Ph.D degree neite hi chu an hlawh a sang deuh a. Corporation sector lama thawkte hi an hlawh a sang bawk. An thawhna hmun a danglam thei ang bawkin chuti khati zat chu an hlawh tih fak erawh a harsa deuh.

    Mizorama Psychology zir theihna College kan neite:
  1. Gov't. Hrangbana College
  2. Pachhunga University College
  3. Gov't Aizawl West College
    India rama Psychology zirna hmun  tha zualte:
St.Xavier's College, Mumbai
Website: http:// www.xaviers.edu/
Course: Bachelor of Arts in Psychology

University of Calcutta
Website: www.caluniv.ac.in
Course: M.Sc/M.A. in Psychology / M.Phil in Clinial Psychology

Benaras hindu University, Varanasi
Website: http://www.bhu.ac.in/socialscience/psycholog/homepage.html
Course: B.Sc/B.A. in Psychology / M.A. in Psychology

Lady Shri Rama College for Women,Delhi
Isrcollege.org

University of Madras
unom.ac.in





Source: Hillsgate
- Hlima Pachuau

(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(He website kal zel theih nan hian fakna lo langte hi i lo hmet ve thin dawn nia.)
Tags:

1 Comments

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post