Aizawl | March 29, 2023: Union Home Minister Amit Shah-a’n Aizawl atangin Zokhawsangah Assam Rifles an insawnfel vek tur thu Lok Sabha MP Pu C. Lalrosanga a hrilh.
Pu C. Lalrosanga hi vawiin khan Union Home Minister Office-ah lengin hetah hian Pu Amit Shah-a hian Assam Rifles-te sawnchhuah an nih tur thu hi a lo hrilh a. Pu C.Lalrosanga chuan lawmthu hrilhin, Assam Rifles-te sawn chhuah chungchangah hian amah Pu Amit Shah-a leh Central sawrkar hruaitu dangte pawh vawi engmawzat a lo nawr tawh thu te a sawi a. Sawrkar laipui laka an thil ngiat tihhlawhtlin a nih dawn takah hian Chief Minister Pu Zoramthanga pawh a lawm hle tih Union Home Minister hi a hrilh a. Assam Rifles hi hun bituk chhunga insawnfel vek tura an duh thu a sawi chu chhangin Pu Amit Shah-a chuan an insawn ngei ang, a ti a. Project eng emawzat hawng tura Aizawl a tlawh tur pawh sawiin Assam Rifles battalion headquarters a hawn bakah Laldenga Cultural Centre lungphum pawh a phum tur thu MP hi a hrilh a ni.
Hemi hma hian Pu C. Lalrosanga hi President Droupadi Murmu-i’n MP te tana Rashtrapati Bhavan-a tukthuan a buatsaihah a tel a. Prime Minister Narendra Modi-a bakah sawrkar laipui Minister-te leh Parliament In hniha member te nen chawhlui an kilho a ni.
Hetihlai hian Mizoram BJP chuan mi thenkhatin Assam Rifles sawn chhuah chungchangah tute emaw nawr avanga chhuak tur ang leh Assam Rifles sawn chhuahna atana Union Minister rawn kal tur anga sawi awm chu thu dik tawk lo leh belhchian dawl lo a ni, an ti.
Vawiin khan BJP hian Aizawl-a an Office-ah chanchinbumite kawmin Mizoram BJP President Pu Vanlalhmuaka chuan, Central sorkar hmalakna hrang hrang te chu a tahtawla hawn hna thawh thin a ni a; Mizoram pawhin chutiang ruahmanna chu chang vein thla thar ni 1-ah Union Home Minister chu Aizawlah rawn kalin project hrang hrang a hawng dawn a ni, a ti a. Union Home Minister-in a hawn tur project 12-te thawhna hi Cheng Vbch 2,414 chuang a ni a, hetiang sum tam tham senna project hawn a ni dawn ta hi BJP Mizoram chuan lawmawm an ti hle a ni, a ti.
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: