TAWRHNA KALTLANGIN I DAMCHHAN I HRE THEI

  _Tawrhna i hmachhawn laiin Pathian khawiah nge a awm?_

— Rick Warren 

— Mar 15, 2023


“Ani chuan hreawm tuartu chu a hreawmna hmangin a ti chhuak a hnehchhiahna hmangin a beng a tivar a.” Joba 36:15

I hriatmiah loin, Pathianin i nun hi a kaihruai daih tawh che a ni. Thufingte 16:9 chuan, “Mihring rilruin a kawng a ruahman a, A ke pen erawh chu LALPAN a hruai thin.” 

Pathian chuan a Thu hmanga kaihruai che a duh a. Bible regular taka  chhiara zir hi, kan mamawh a ni fo. Mi tam tak chuan Bible chhiar nan hun kan hmang tlem em em a, kawng danga Pathian min hruai dan chu tawrhna hmangin min hruai ṭhin a ni.

Joba 36:15 chuan, “Ani chuan hreawm tuartu chu a hreawmna hmangin a ti chhuak a hnehchhiahna hmangin a beng a tivar a" a ti.

Engvangin nge sakawr kamah thirbarh an dahsak i hria em? Sakawr nawmna tur a ni miah lo. A khalhtu chuan kawng danga a hruai theihnan sakawr tawrhna kha a hmang tangkai a ni.

Chutiang chiah chuan, tawrhna chuan kawng tharah a hruai fo ṭhin che a ni.

Lal Davidan Pathianin tawrhna hmangin kawng a kawhhmuhin a hruai duh a ni tih a hriat khan, chu a tawrhna avang chuan a lawm letling ta zawk a ni: “I thuruatte chu ka zir theih nana Tihhreawma ka lo awm kha ka tan a tha a ni.” (Sam 119:71).

C. S. Lewis chuan kan hlimnaah hi chuan Pathian hi zawitein a rawn tawnga kan hrehawmnaah erawh chuan ring takin a rawn sawi thung a ni ati. Tawrhna hi Pathian aurinna a ni a. Tawrhna awmnaah chuan a kalsan lovang che. Tawrhna chu a chhia emaw  a ṭha emaw, khawi aṭang pawha lokal pawh nise, Pathianin i damchhan hriattirna tur chein a hmang thei a ni.

Paulan Korinth kohhran natna leh hrehawmna tuartute hnenah heti hian a sawi a, “Tunah chuan ka lawm a ni, tihlungngaiha in awm avang a ni lo va, simna tura in lungngaih avang a ni zawk e. Keimahni avanga engmah in chan lohna turin Pathian duhzawng anga tihlungngaihin in awm si a. (2 Korinth 7:9 ).

Natna i tawrh avangin i lawmkher angai lova. Amaherawhchu chu natna hmang chuan Pathianin kawngdika a hruai theihna tur chein leh a thil la pek tur che avang pawhin lawmthu sawi zel rawh.

Ngaihtuah zui atan

* Tawrhna kaltlanga Pathianin a ṭha zawnga a hruai dan che engnge ni?

* Natna i kaltlang laiin Pathian chungchangah engnge i hriatreng ngai?

* Vawiin hian natna khirh tak paltlang mek chu engtin nge i fuih theih ang?

*[Lettu: Sangpuia]*

Post a Comment

He post chungchanga i ngaihdan lo sawi ve rawh:

Previous Post Next Post