Aizawl | March 14, 2023: Vawiin March ni 14 hian Stake Holder Meeting under National Programme For Prevention & Control of Deafness chu DHME, Conference Hall, MINECO, Aizawl ah neih a ni.
Hemi hunah hian Dr. Robert L Khawlhring, State Nodal Officer, NPPCD chu Moderator niin hemi hunah hian Stakeholder meeting an neih chhan pawimawh ber nia a sawi chu beng hriatna thalo lama thawk ho vek anni tih leh tanrual pawimawhzia te hemi huna kalte hnenah a chah a. He meeting-a Invitees te hi RBSK, SCERT, SWD, EPHATHA SOCIETY - EPHATHA SPECIAL SCHOOL, REDEEM GARDEN, MKHC, MUP, MHIP, CYMA an ni.
Dr.Lalthanmawii Khalthang, Consultant, NPPCD report-in a tarlan danin NPPCD hi India ramah kum 2006 atang khan hman tan a ni a. Mizoramah erawh kum 2014 atang khan kalpui a ni thung. Tunah hian Mizoram district thar tih lohah chuan he programme hi chak taka kalpui mek a ni a. District thar pathumah te pawh kalpui thuai tura hmalak mek a ni. Kum 2022 April - 2023 January inkar chhung khan beng lama harsatna nei mi 21036 in entir zingah beng hriatna tha lo mi 3625 hmuh chhuah an ni.
Ephatha Society atangin Mrs. C. Thanzami, Secretary, Ephatha Society hnen atang brief report ngaihthlak niin Ephata Special School din alo nih dan te leh Activities neih thin te tarlan ani a.
Hemi dawhah hian Redeem Garden atangin R. Lalhruaitluanga ,Teacher hnen atangin brief report ngaihthlak leh a ni a, Redeem Garden zirlaiten actitvities hrang hrang an neih thin te leh an kal chhuahna te hlawkthlak taka hun an hman tlan thin te chu ngaihthlak a ni leh a.
Hemi hnu hian Panel Discussion neih a ni a. Dr. R. Zodingliana, Panel member chuan naupang hritlang te ngaihsak loh hi a pawi a, beng ri hriatna tha lo thlentu pawimawh tak pakhat a ni a. naupang hritlang awmna hi enkawl dam vat a pawimawh a ti. Hei bakah hian nu in nau a pai lai a vaccine lak that te, in check up te a pawimawh zia a sawi lang bawk.
Panel discussion ah hian stakeholder department hrang hrang leh NGO ten thawh hona tha zawk an neih theihna tur kawng hrang hrang te sawi ho in chak zawk a hmalak dan tur te sawi ho a ni.
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: