MZP-in J Lalrohlua thlavang hauhin tualthattu a hna aṭanga ban phut; Chakma pawnchhuah an khap!

Aizawl | March 6, 2023: Tualthattu a hna aṭanga  ban ngei an phut a, thu leh awm hma chu Chakma Curfew an puang bawk.







MZP-in J Lalrohlua thlavang hauhin tualthattu a hna aṭanga ban phut; Chakma pawnchhuah khap!



MZP PRESS RELEASE

MZP General Headquarters chuan ramri venghim tura Police duty Hav. J. Lalrohlua chu a thawhpui Hav. Bimal Kanti Chakma-in an duty-na hmuna a kaphlum chu hriatthiam har a tiin, pawi a ti takzet a. Hetiang thu thinthawng tak MZP in a hriat veleh a zan la lain MZP Pisapui-ah Emergency Meeting a ko a. Meeting hi MZP President Pu Lalnunmawia Pautu-in a kaihruai a ni. 

Meeting chuan, ramri venghim tura duty Hav. Bimal Kanti Chakma-in a thawhpui Hav. J. Lalrohlua leh Hav. Indra Kumar Rai te a kaphlum hi a hrethiam lo hle a. Tualthattu Hav. Bimal Kanti Chakma chu a hna aṭanga a rang thei ang bera ban nghal turin thuneitute a phut a. Pawikhawihtu hi ban a nih hma chuan Mizoram chhungah Chakma pawnchhuah a khap.  

MZP chuan he thuchhuah ngaipawimawh a, an sa himna tura pawnchhuak lo turin Chakma-te a hriattir a. He thuchhuah pawisa lova, pawn chhuak luite chu an chungah eng pawh thleng se MZP-in mawh a phur lo ang. 



MZP-in he thil thleng a hriat veleh, MZP Headquarters Kolasib leh a hnuaia Sub Headquarters hrang hrang hruaituten a hmun an pan nghal a. Hav. J. Lalrohlua ruang chungah pawl aiawhin pangpar an dah a, puanin an tuam nghal a ni. 

Issues by: MZP General Headquarters, Aizawl 

No. E-93/MZP-GHQ/2021-2023/92          Dated, Aizawl, the 6th March, 2023



Post a Comment

He post chungchanga i ngaihdan lo sawi ve rawh:

Previous Post Next Post