Aizawl | March 20, 2023: 71st BN Mullick Memorial All India Police Football Championship final khelh zawh takah an champion.
Mizoram Police te hian vawi dar 1:30 khan Bakshi Stadium, Sinagar-ah Assam Rifles hmachhawnin, vawiina goal awm chhun Lalbiakhlua'n khungin 1-0 in an hneh a, an champion a. Mizoram Police Goalkeeper F Lalmuanawma chu 'Best Goalkeeper' atan thlan a ni bawk.
Coach Lalbiaksanga Colney (Bsa Colney) chuan, "A bul berah chuan Pathian vang liau liau a nia, bakah ka naute disipline a tha a force mi kan nihna a langa an tum a ruh bawk," a ti a, "Mizoram atangin tawngtai puina kan dawng tha a chuvanga champ chu kan ni e," tiin a tawp a khar.
Mizora Police hi an thawhrimna leh teirei peih man chu an nghak chhuak ta, a tih theih a, 71st B.N. Mullick Memorial All India Police Football Championship, 11th – 20th March, 2023 chhunga Srinagar, J&K a neihah Mizoram Police Football Team (MPFC) chuan vawiin khan final ah AssamRifles 1-0 a hnehin an champion.
He tournament ah hian India ram chhunga Police, State/UT Police leh Central Armed Police Forces (CAF) aṭangin team 34 an tel a ni.
Mizoram Police chuan nimin khan Punjab Police chu 2-1 a hnehin final an lut a, vawiin chawhnu dar 1:30 khan Assam Rifles nen Bakshi Stadium, Sinagar, J&K an an inkhel leh a ni.
Mizoram Police hian tun hmain Nomawi thahnem tak an lo chawi tawh thin a, Mizoram Footballah an chungnung thin hle.
Mizoram Police hian Mizoram Premiere League (MPL) chan huamin All India Police meet hi an lo khel tawh thin a, he nomawi hi a hlu bik hle a. Tun tuma an chawi ta hi an tan a lawmawm hle a ni.
Lalbiaksanga Colney hova khel Mizoram Police Football team te hian 1st Bn MAP Football Ground-a artificial turf phahah training tha an nei hman a, an vannei hle.
Group stage-ah Gujarat (9-1), Jharkhand (5-1) leh Madhya Pradesh (6-0) te an hneh vek a. Last 16-ah Assam Police 2-0 a hnehin, Quartwr final-ah BSF chu 2-21 in an hneh leh bawk.
Nimin Semi final-ah hian Punjab Police hi 2-1 in an hneh a, H Lalbiakthanga leh Lalnunsanga te'n an khung a ni.
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: