Minister R Lalzirliana enkawl District Council and Minority Affairs chhuhsakin MoS Robert Romawia Royte pe

Aizawl | March 16, 2023: Power Minister Pu R. Lalzirliana chu a hna chanpual pakhat District Council and Minority Affairs chhuhsakin Minister of State Pu Robert Romawia Royte pek a ni.

Chief Minister Pu Zoramthanga chuan nimin khan a minister pahnih hna chanpual a siksawi a. Pu Lalzirliana chu District Council and Minority Affairs chhuhsakin Pu Robert Romawia Royte a pe a, Pu R. Lalzirliana hian Power and Electricity, Art and Culture leh Land Resources, Soil and Water Conservation department te a la chang a. Heti hian, Pu Robert Romawia Royte hna chanpualte chu Sports and Youth Services, Tourism, Information and Communication leh District Council and Minority Affairs department-te a ni ta a ni.


Tun sorkar dinglai-ah hian sorkar an siam tirh a hna chanpual pakhat siam danglam zeuh tih loh leh Minister of State Dr. K. Beichhua a ban avanga a aiawha Pu Lalrinawma Cabinet Minister a lakluh a, Dr. K. Beichhua hna chanpual a chanzui tih lohvah chuan Minister-te hna chanpual siksawi awm chhun a ni awm e.

District Council and Minority Affairs department chhuhsak a nih chhan hi Pu R. Lalzirliana’n February ni 23-a Assembly inkhawmna a a thusawi nghawng zel kha niin politics ngaihventute chuan an sawi a. Khatah khan Mizoram sorkar kaltlang lova sorkar laipuiin autonomous district council-te sum a pek (direct funding) chungchang sawi laiin Pu R. Lalzirliana hian politician-te’n tun hma-in lem an va der khum mai mai ti zawngin a sawi ni a sawiin eptu member-te an lungawi loh bakah Autonomous District Council pathuma pawl liante chuan thupha chawi tur emaw bang turin emaw an phut zui nasa hle a. Assembly inkhawm ţiak ni, February ni 28 khan Assembly House chhungah thupa chawi mah se, district council-a pawl liante an la lungawi thei chuang lo a ni.

- AIR Aizawl



(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(He website kal zel theih nan hian fakna lo langte hi i lo hmet ve thin dawn nia.)

Post a Comment

He post chungchanga i ngaihdan lo sawi ve rawh:

Previous Post Next Post