Aizawl | March 16, 2023: Vawiin chawhma Dar 11:00 khan Er. Lalrinawma Minister chuan ZoCareer Solutions ten Chanmari YMA Hall-ah Kum 2020-21 leh 2021-22 Academic Sesion chhunga Zo Career Institute atanga JEE, MBBS leh Medical Course hrang hranga bakah Hnaruak hrang hranga hlawhtlinna changta te lawmpuina hun an buatsaih a hmanpui.
Khuallian Er.Lalrinawma chuan hmasawnna nei tura zirna leh thiamna tak tak neih a pawimawh zia sawiin hetiang ang a zirlai ten an mahni line-ah theuh zir thei tura Zo Career-in hmalakna chu ropui a tih thu a tarlang a ni.
Khuallian chuan Mittin hian hlutna kan nei theuh a, chung kan hlutna te chu in hriatsak leh inzahsak tawn a pawimawh thusawiin hei hi midangte kan dawn sawn danah pawh chu chu kan hriat reng tul a tih thu leh zirlaite chu kan thil thlir dan a pawimawh em avangin hmalam hun a eng zawng leh beiseina nen a thlir zel tura chah in, keimahni ko a mawhphurhna awmte hlenchhuak tura theih tawp chhuah chu kan tih tur pawimawh tak a ni tih hre tur leh chumi tihhlawhtlin tura theihtawp chhuahna chuan hmasawnna min thlen ngei dawn a ni tih hre reng tura chah in hemi atan hian mahni inthunun theihna chu thil pawimawh tak a nih thu a tarlang bawk.
Thalai kalkhawmte chu nakina kan ram leh hnam innghahna an la ni zel dawn tih sawiin hun lokal zel turah eng hna pawh thawkin eizawnna kawng hrang hrang zawh pawh ni ila ram leh hnam neitu rilru leh hmangaihna nena hna kan thawh tul a tih thu leh min enkawltu kan nu leh pa te thuawih a an mahni zah chu thil pawimawh zirlaiten kan zawm ngei ngei tur a ni thu khuallian chuan a sawi bawk a ni.
Pu Lalhruaitluanga Managing Director, ZoCareer Insitute pawhin thusawiin lawmpuina hlan tak zirlai hlawhtlingte chu Pathian hrerenga sang taka in vawrh zel turin a fuih a. Doctor, Engineer leh Officer nihna neih ringawt chu a tawk zo lo. Doctor tha bik, Engnieer tha bik leh Officer fakawm tak ni vek turin a chah. Ram leh hnam hmangaihna nen, rawngbawlna thinlung thianghlim tak pu chunga an hmalam nun hmang tlat tur leh mi retheite thian ni vek turin zirlai lawmpuite chu a fuih a ni. Mizoram sang taka vawrh turin Mi dang aia thui kal vek turin a chah bawk a ni.
He Felicitation Program hi Tv. RK Hnuna, Director ZoCareer Solutions chuan kaihruaiin, Pu Lalhmangaihzuala Principal BI & RC chuan hunserh a hmang a, he hunah hian ZoCareer Insitute atanga Zirlai hlawhtlinna chang hrang hrang MBBS zirthei mi 87, BDS Mi 14, JEE kaltlanga Engineer Course zir Mi 32 leh Hnaruak hrang hrang a hlawhtlinna hmuthar mi 28 te lawmpuina hun an nei a ni. ZoCareer Solutions hi kum 2007 ah din niin, NEET, JEE, SMATEE leh Hnaruak hrang hrangah Coaching class ngawrh takin an pe mek a ni.
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: