Manipur sorkarin Zofate a hnawhchhuah ZORO-in dem

Aizawl | March 1, 2023: Zo Reunification Organisation (ZORO) chuan vawiin khan thuchhuah siamin, Manipur sorkarin Zofate a hnawhchhuah chu an dem takzet thu an tarlang.

Manipur sorkar-in Zofate chenna hmun hrang hrang, anmahni remtih thlap ni lo a, reserved forest-a puang a, an in leh lo tichhia a, hnawhchhuah a ṭan hi Zo Reunification Organisation (ZORO) chuan a dem takzet a, theihtawp chhuaha dodalin hma a la dawn a ni.

ZORO chuan thuchhuah siamin, "Manipur sorkar thiltih hi hnam lian zawkin a tê leh tlêm zawkte a pâwngnêk leh palzutna a ni a, insawithiam ngaihna awm miah lo human rights palzutna a ni. Hetiang thil Zofaten kan tawk leh ṭhin hi ZORO chuan a duh lo hle.,"an ti a.

"Tuna Manipur state-in a huamchin hi Manipur hnam lian ber Meitei ram vek a ni lo a; chuvangin, Zofate hian kan ramah chuan Manipur sorkar zah leh ngaihpawimawh kan phu takzet a ni." an ti bawk.

ZORO General Secretary Vanlalremruata Tonson-in thuchhuah a siamah hian, "Zofate an chenna hmun a ṭanga hnawhchhuah hi titawp nghal turin ZORO chuan Manipur sorkar a phut a, tuna a hnawhchhuahte pawh hi an awmna hmun pangngaia in leh lo dinsak leh dahlet leh vek ngei turin a phut a ni." tiin a tarlang.

(Khawngaihin, Explore Mizoram hi mi dang i lo hmelhriattir zel dawn nia!)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(He website kal zel theih nan hian fakna lo langte hi i lo hmet ve thin dawn nia.)