International Women’s Day 2023 pualin ‘One Day Exhibition/Mela for SHGs’ buatsaih

Lunglei | March 8, 2023: NABARD leh World Vision India te tangkawp chuan vawiin khan International Women’s Day 2023 pualin  Art & Culture Exhibition Hall, Lungleiah ‘One Day Exhibition/Mela for SHGs’ an buatsaih a. He Mela hi Lunglei DC Pi Ramdinliani, IAS chuan a hawng.


Hawnna inkhawm Pu Evan T Munsong, District Development Manager (DDM) NABARD Lunglei kaihhruaiah Lunglei DC Pi Ramdinliani chuan ‘International Women’s Day 2023’ lawmna hmang tura kalkhawmte chu chibai bukin, he ni hi hmeichhiate tana ni pawimawh leh chhinchhiah tlak anih thu a sawi a. Self Help Group-te tana hun tha tak buatsaihtu NABARD leh World Vision India te chungah lawmthu sawiin SHG-te hmalakna hrang hrang ah te phur tharna leh chona thar siam sak tu anih ngei a beisei thu a sawi a ni.

Pi Lalremsangi, Lead District Manager, SBI Lunglei leh Dr Lalhruaitluangi Chhangte, DPC, Women & Child Development Department te pawhin thu sawina hun an hmang a. Bank leh Department hnuaia hmeichhialeh SHG-te humhalhna leh an puala hmathatna awm chi hrang hrang SHG leh Bank Linkage-te, Bank loan te, 181 Toll Free Women Helpline Number te, One Stop Centre-te, financial inclusion scheme leh schem dang chungchangte an sawi a. Pi H. Lalmuanpuii, World Vision India chuan lawmthu sawina hun a hmang a ni.


Vawiin International Women’s Day puala One Day Exhibition/Mela for SHGs ah hian Lunglei khawpui chhunga Self Help Group 20 te bakah Lunglei Entrepreneur Forum leh Women & Child Development Department te an tel a, a zavaiin stall 22 a awm a ni.



(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(He website kal zel theih nan hian fakna lo langte hi i lo hmet ve thin dawn nia.)

Post a Comment

He post chungchanga i ngaihdan lo sawi ve rawh:

Previous Post Next Post