I NATNAAH CHUAN ENG VANGIN NGE RILRU ZAU TAK PUT I MAMAWH

  _Tawrhna i Hmachhawn Laiin Pathian Khawiah nge?_

By Rick Warren 

— 03/22/2023

“Kan thinlung pawh phawrh vekin in hnenah thu kan sawi a ni.” 2 Korinth 6:11

Natna tuar mekte ṭanpui i duh em? I duh a nih chuan i natnain i rilru a lak penzia pawh i sawi tel a ngai ang.

Natna chuan engemaw chu thil fel lo a awma rilru pek deuh chu a ngai a ni tih a tarlang ṭhin. Natna i tuar laiin i rilru a lak pen nasatzia entirna tur tam tak i nei ang.

Tirhkoh Paulan hrehawmna hrang hrang a lo paltlang tawh chu mi dang ṭanpuina turin zalen takin a lo tlangaupui tawh a ni. Mi dang ṭanpuina tura i tawrhnate i sawi dawn chuan, heng thil pathumte hi hre reng ang che.

*Pakhatna, rilru zau tak pu ang che.* I rilru thup i tuma mi dang  ṭanpui i tum bawk chuan a rualin i ti thei lo vang. Paulan Korinth Kohhrante hnenah, "Kan thinlung pawh phawrh vekin in hnenah thu kan sawi a ni” a ti. I khua a sik a nih chuan mi dang hnenah i nawm loh thute sawi la. I hnual emaw i lunghnur viau laiin mi dang lakah i la inhawng tho em? 'Ka ṭha' tih mai chu chhanna awlsam ber a ni a, mahse inlaichinna lang tlang tak chu a siam thei lo ṭhin.

*Pahnihna,  i tih dik lohnaah tlawm rawh.* Paulan Galatia 6:5 ah, “Mi tinin mahni phur an phur theuh dawn si a!”a ti. I famkim bik lo tih i inhriat hnuah phei chuan, lemchan tum kher suh. Mihringte hi mi famkim kan nih a ngai lova. Kan nihna tak anga lan a ngai zawk a ni.

*Pathumna, i hlauh zawng zep suh.* Paulan 2 Korinth 12:20 ah, “Ka lo kal hunah eng emaw tiin ka duh anga ka rawn hmuh loh che u a, kei pawh in duh angin mi hmu lo dah ang, tih leh, eng emaw tiin inhauna te, initsikna te, thinurna te, inkhinna te, inrelna te, sesea thu lak te, inngaihhlut lutukna te, buaina te a lo awm dah ang,” a ti. Dinhmun derthawng deuhthaw a i awm pawhin i hlauh zawng chu mi dang sawipui ngam khawpin i inhawng em? Kristian ropui berte pawhin hlauhzawng an neih chu an inpawm a. Chutiang khawpa inhawnna chu inlaichinna langtlangah chuan a pawimawh a ni.

Natna tuar mekte chuan natna i tawrh dante i talchhuah dante hriat an chaka - mahse nghet taka thlun nghal kher tum suh.

Tu te pawhin rilru puthmangte, tihsualte leh hlauh zawngte kan nei thei a. Tunah chuan mi dang ṭanpuina tura sawichhuah a hun tawh a ni..

Ngaihtuah zui atan

* Miin an tawrhnate an sawichhuah hian engtiangin nge i lo hlawkpui ve?

* Eng tawrhna nge mi dang hrilhchhawn atan lian lutuka i hriat? Eng vangin nge chu natna chu Pathianin paltlang tura a duh che nia i hriat?

* I tawrhnate mi dang i hrilh khan engtin nge an lo ṭangkaipui i rin?

*[Lettu: Sangpuia]*