Aizawl | March 16, 2023: Commere and Industries changtu Minister Dr R Lalthangliana chuan vawiin khan SELCO Foundation buatsaih Mizoram Trade Facilitation Fair 2023 chu a hawng.
He hawnna inkhawm Millennium Centre a buatsaih ah hian Commerce and Industries Minister Dr R Lalthangliana chuan thu sawiin Mizoram mamawh Ni zung chakna khawl hman tangkaina tur a rahbi pawimawh tak Mizoram Trade Facilitation Fair buatsaih a ni chu lawmawm a tih thu a sawi a. Mizoram in kum tin a kawlphetha chawk luh nana a sum hman thahnem tak chu Ni zung chakna a siam khawl chi hrang hrang hmang a phuhruk anih chhoh zel a beisei thu a sawi . Lo nei mi te pawh in he trade fair a an chhawp chhuah khawl, hman awlsam tak tur chu an tangkaipui ngei a rin thu a sawi bawk a ni.
Minister chuan Ni zung chakna hmanga kawlphetha siam chu thil dang nen a tehkhin in a sum ngai tur a tlem zawk mai bakah tuihna tha leh boruak thianghlim kan neih theih zelna tur a kan ram thing leh mau te kan humhalhna kal mek nen a inmil tak anih avangin kan ngaih pawimawh zual a ngai a ni, a ti.
Hawnna inkhawm hi Planning and Program Implementation Secretary Pu Lalmalsawma Pachuau leh Aizawl Mayor Pu Lalrinenga Sailo te pawh in hman puiin Trade and Facilitation Fair chuan kut hnathawk a eizawng te tan rah tha a chhuah ngei an rin thu leh UN Sustainable Development Goal number 7 na tih hlawhtlinna hmanraw pawimawh tak a ni tih thu an sawi bawk.
Mizoram Trade Facilitation Fair 2023 hi SELCO Foundation, Planning Department, North East Initiative Development Agency leh Mizoram Science, Technology and Innovation Council tangkawp in ni hnih chhung awh tura an buatsaih niin Solar Technology hmang a siam khawl chi hrang hrang chhawp chhuah a ni a. Lo nei mi te, Nabard hruaitute, Mizoram chhung a entrepreneurs te leh sawm bik te an kalkhawm a ni.
- DIPR
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: