Aizawl | March 6, 2023: Buarchêpa a police pui pahnih Hav. J Lalrohlua leh Hav. Indra Kumar Rai kap hlumtu a puh Hav. Bimal Kanti Chakma chu a hna atanga bàn (dismiss) nghal a ni.
Nimin tlai dar 6:40 bawr vela Mizoram ramri Buarchep duty post a Duty laia a duty pui Hav. J Lalrohlua leh Hav. Indra Kumar Rai te kaphlumtu Hav. Bimal Kanti Chakma chu Indian Constitution Article 311 hmangin Police hna aṭangin ban (dismised) a nih thu vawiin khan IGP (Headquarters) Pu John Neihlaia chuan thuthar thehdarhtute a hrilh.
Hav. Bimal Kanti Chakma hi IPC 302 hnuaiah charge a ni a. A hna aṭangin vawiin aṭangin ban a ni nghal a ni. Vairengte PS-ah case C/No.12/23 Dt 05.03.2023 U/S 302 IPC ziahluh a ni.
Vanduaina tawk ta Hav. J Lalrohlua (L) leh Hav. Indra Kumar Rai (L) te ruang hi vairengte atangin an khua Lawngtlai leh Lunglei-ah Helicopter hmanga thlen tum a nih thu IGP (Headquarters) Pu John Neihlaia chuan a sawi a. An chhungte pawhin Sawrkarin Compassionate appointment a pe ang, a ti bawk.
Hav. J. Lalrohlua hi a lu-ah kah a ni a, Hav. Indra Kumar Rai erawh a awm veilamah kah niin a malpuiah silaimu a tlang niin tarlan a ni bawk.
Buarchep duty postah hian Havildar pathum awmin, Hav. J. Lalrohlua, Hav. Indra Kumar Rai leh Hav. Bimal Kanti Chakma te hi awmin, Hav.Bimal Kanti Chakma hi zu a rui niin report in a tarlang.
Hav. Kumar Chakma Kanti hian thawklehkhatah inhnialbuaina awm lem lovin a silai ken lai AK-47 chu hmetpuakin, hetah hian a thiante pahnih, Hav. J.Lalrohlua leh Hav. Indra Kumar Rai te hi a kap ta mai a ni.
He silai puahna hmunah hian Hav. J Lalrohlua hi boral nghalin, Pu Indra Kumar Rai erawh Vairengte damdawiin thlenpui a nih hnuah thi a puan veleh a ni.
Hetihlai hian, he thil thleng vanga MZP in Chakma pawn chhuah a khap chu vawiin tlai dar 3:15 khan a titawp a ni.
"Nizan lama MZP Executive Emergency Meeting-in a rel anga, Chakma pawnchhuah khap (chakma curfew) MZP in a kalpui mek chungchangah vawiin lamah thuneituten MZP ngenna an tihhlawhtlin tak avangin, tiamchin awm lovin vawiin tlai dar 3:15 hian Curfew tihtawp (Call off) a ni." tiin MZP general Secretary Jacob Lalmuanpuia chuan thuchhuah hmanhmawh a siam.
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: