Aizawl | Feb 28, 2023: ZPM chuan vawiin khan Mizoram Governor Dr. Hari Babu Kambhampati hnenah Minister of State Pu Robert Romawia Royte-in 'Section 9(A) of The Representation of the People Act, 1951' a bawhchhiat avangin petition kan thehlut. He petition-ah hian ZPM aiawhin Pu SL Ngursailova Sailo, General Secretary, Vigilance Department-in hming a ziak.
Pu SL Ngursailova Sailo chuan, “Pu Robert Romawia Royte hian 'The Representation of People Act, 1951' bawhchhiain dik lo takin a thuneihna hmanga hlawkna a tel avangin (office of profit) Article 192 (1) of 'The Constitution of India' thuneihna hmanga disqualify turin ZPM chuan Governor hi kan ngen a ni,” a ti.
Robert Romawia Royte hi Northeast Consultancy Services (NECS) neitu niin vawiin thlengin chhiah pawh GST hnuaiah return a la file a. He firm hian duhsakna uchuak tak hmangin Mizoram sawrkar-a DC&MA nen 'Deed of Agreement' chu 'Single Source Selection' hmangin an ziak a. NECS hi Proprietorship, mimal sumdawnna a nih angin a neitu leh hlawkna teltu chu MoS Pu Robert Romawia hi a ni tih a chiang hle.
Hei bakah, Assembly House chhungah a fapa ta anga a sawi pawh kha election affidavit-ah a fapa hi a hnena innghat (dependent) a ni tih a tarlang a. Tin, electoral roll thar berah pawh chhungkaw khat, in khata cheng an ni tih a lang bawk. Mizo Customary Law hnuaiah a fapa hi indang a la nih loh avangin a fapa ta anga a sawi pawh hi a nihna takah chuan thuneitu leh enkawltu chu Minister of State hi a ni tih a chiang hle bawk.
Heng zawng zawng en hian Minister of State hian a thutiam bawhchhiain a thuneihna hmangin sawrkar aṭangin hlawkna a tel ngei a ni tih a tarlang a. Hei vang hian ZPM party chuan India danpui hnuaiah Minister of State a nihna aṭanga ban turin Governor hi kan ngen ta a ni.
(Khawngaihin, i lo share darh ve ngei dawn nia aw!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: