Aizawl | Feb 14, 2023: Vawiin khan Mizoram hmun hrang hrangah thisen Valentine's day pualin thisen pek runpui buatsaih a ni.
Aizawl-ah chuan Chanmari YMA Hall-ah AVBD leh MSACS (Model Blood Bank) huaihawtin Thisen pek runpui neih a ni a, he hun hi Health Minister Dr R.Lalthangliana chuan khuallian niin a hmanpui.
Health Minister chuan mipui kalkhawm hmaah thusawiin, Valentine's Day (inhmangaih tawnna ni) denchhena thisen hlu tak petute hi midangte tana nunna chhantu in ni a, hetianga in lo pen chhuak hi a ropui takzet a. Midangte tana in inpekna hi Pathianin a let tam takin a rul ngei ang che u, a ti a. Hnam dangte aiin Zofate hian mahni mihring puite tana inpekna kan nei nasa hi chunglam pawh a lawm ngei ang tih ka ring tlat a. Thisen hlu tak petute hi in ropui ka tiin, lawmthu ka sawi tak meuh a ni, a ti.
Pu Thangtea chuan Covid hun lai kha kan hria a, department leh mimal angin do hneh chi a ni lo, Mizoramah chuan pawl zawng zawng inpekna leh tanrualna kha Lalpa'n mal a sawm a. Nunna hlu tak enge maw zat chan mah i la, state dang ang em em chuan kan thi kan tam lo hlauh a, kan tanrualna kha Lalpa'n mal min sawm a. He valantines day hi hlimhlawpna mai ni lo, midangte tana inpekna ni-ah kan hmang hi ka lawm takzet zet a ni, a ti bawk.
Thisen pek runpui hi district headquarter hrang hrangah pawh buatsaih a ni a, thalai tam takin thisen an pe a ni.
Valentine's Day denchhena thisen pek runpui hi Kum 2010, Feb ni 14 khan Zikpuii Pachuau (tuna AMC Councillor ni ta)-in LPS-a a awm lai khan a huaihawt tan a, AVBD leh midang ten tun thlengin an la chhunzawm a ni.
The Zozam Times-in a tarlan danin, vawiin Valentine's Day khan Zoram hmun hrang hranga thalai 1,032-in midang tan a thlawnin an thisen an pe.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: