Social Welfare Minister-in MUP, Aizawl West - III Conference hmanpui

Aizawl | Feb 20, 2023: Vawiin khan Mizoram Upa Pawl, Aizawl West -III Conference Vawi-12 na,  Bungkawn Vengthar YMA Hall a hman chu Social Welfare Minister Er. Lalrinawma'n a hmanpui.


Er. Lalrinawma, Minister chuan Kum upate kan ram leh hnam tana an hlutna tarlangin, kum 60 mi chuan chhungkua, Khawtlang, ram leh hnam tan theihtawp in ke an lo pen tawh thin a, chutiang a hna an lo thawh tawhnaah  chuan atharin zahna chibai a buk a. Hmanlai hun atanga Mizote hi upate thu leh hla zawm thin leh rorelnaah pawh mawhphurhna pawimawh tak chelh thin tur kan ni a, tun hun thlengin hetiang dinhmun upa ten  an la chelh zel thei hi lawmawm in an  thiamna leh hriatna chu thangtharte tana hlan chhawng a finchhuah zel tura a duh thu minister chuan a sawi a ni.

Minister chuan Kum upa te  thluak nem chu Sawrkar leh ram pawhin a thatpui thin tih thu tarlangin, 'Midangte tana malsawmna nih' thupui a neitu kan nih angin hemi hlen chhuahna kawngah theihtawp chhuah zel turin kal khawmte chu sawmin kan thalaite leh kum naupang zawk ruihlo bawih a tangte chhanchhuahna kawngah hian upate'n  kan Tu leh fate hnenah ruihhlo that loh zia hrilh tam atul thu leh kan hnam ziarang leh  nunphung te  ngaihhlut a tul zia te, mahni hnam zia rang ngaih pawimawhna kawngah tan lak a pawimawh thu a sawi a ni.

MUP Aizawl West area ah hian branch pasarih(7) awmin, tunah hian members avaiin 1757 an awm a, Chawhma lamah  hruaitu thar thlanna hun an  hmang a, Chawhnu hun hi Pu VL Zuia Area Vice President in  a kaihruai a Feb 2020- Jan 2023 chhunga an members chatuan ram pan tate, mipa -104 leh Hmeichhia -95, an vaiin mi 199 te sunna hun neih ani bawk, Pu Lalrintluanga Area Secretary leh Pu H.Thansanga Tresure te hnen atangin report ngaihthlak niin hruaitu hlun chawimawina pphun hman niin Pu PC. Lawmthanga Area Asst, Sect in hunserh a hmang a Pu H. Thansanga'n lawmthusawina hun anei a, tlaiah ruaitheh in hun hlimawm tak an hmang a ni.

Aizawl West -III Area Hruaitu thlantharte chu heng te hi an ni.
President :Pu VL Zuia Bungkawn
Vice President : Pu  Lalrintluanga Hnamte, Bungkawn Vengthar
Secretary : Malsawma Rawntlang, Khatla
Asst. Sect : Ropiangliana, Nursery
Treasural : ZD. Lalkunga Maubawk
Fin,Secretary : C Pazawna, Khatla South





(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post