ZOFEST 2022, Sialsuk khua neih tuma ZOFEST Lady atana thlan Lalnunsiami kan belchiang.
Siamsiami tia koh leh hriat Lalnunsiami hi Lallianpuii leh Lalpianruala te fanu niin, June 17, 2002 khan a lo piang a, Rawpuichhip khua niin, zirna avangin Aizawl Luangmual-ah an khawsa a, Isua Krista Kohhran-a lawi an ni.
A thlalak tam zawk HETAH
Siamsiami te hi unau pali niin, Mipa pahnih leh hmeichhe pahnih an ni a, ani hi a upa ber dawttu a ni. Siamsiami hi ft 5'5 a sang a ni.
Siamsiami hian Pawl 10 hi Govt.Rawpuichhip High School atangin a pass a. Pawl 12 hi Helen Lowry Higher Secondary School atanga pass lehin, tunah hian Govt. Johnson College-ah B.A (Education) 6th semester a zir mek a ni.
Hobby: Hla ngaihthlak, movie en.
📌 I duhzawng leh ngainat zawng hrang hrangte?
• Lehkhabu duh: Bible.
• Actor/Actress: Johny Depp/Margot robbie
• Zaithiam: Adele, Rosy K Remsangpuii
• Chawhmeh: Alu kan ro, Artui leh Dal.
• Hla: Ka lawm e Lalpa i malsawmna vangin.
• Hmun: Hmun thengthaw nuam tak leh khaw hawi nuam tak.
• Rawng: A pâwl leh a var.
• Ziaktu: Zikpuii Pa, Lalhruaitluanga Chawngte.
• Hruaitu: Abraham Lincoln
📌 Mize ngainat zawng:
~ Mi hlim thei, rilru tha leh fing kir ker lo.
📌 Mize ngainat loh zawng:
~ Mi rel ching leh chapo te.
📌 Kawppui tura duhzawng?
~ Pathian tih mi, rilru tha, inring tawk ve tak, ruih theih thil ti lo, hmeichhiate duat thiam a hrethiam mi.
📌 Relationship status: Single
📌 Aim in life: Teacher
 |
| T Shirt by ATbuys Apparels |
📌 ZOFEST 2022 Lady thlanna a tel dan?
~ Zofest 2022-ah hian usher tur a kal ka ni a, chuan, Lady thlangtu turte khan ka hming leh phone number te la in ka tel ve ta a ni.
📌 ZOFEST 2022 Lady nih hi i inring reng em?
~ Ring hran lo. Usher tur a kal ka nih avangin Lady lam hi ka hawi lo hrim hrim a, ka hming leh phone number te an lâk pawh khan a tikimtu ve mai mai a tan a ni ang ka inti a. Interview kan neih pawhin tel ve dang ka thiante ho kha an tha hlawmin Lady ni awm tak tak vek an ni. Mahse, ka Pathian tha tak mai chuan phu loh malsawmna a min vurin ka thiante mi tha tam tak kar a kei ve mai hi thlan tlin ka lo ni ta hi ka lawm tak zet bawk.
📌 ZOFEST 2022 Lady in i nuna nghawng a neih??
~ Hlimna nasa tak min pe in, Pathian fak leh zual duhna thinlung ka neih phah a. Tin, keimahah inrin tawkna nasa tak ka neih phah a ni.
📌 Modelling lam i tui em?
~ Tui lem lo.
📌 ZOFEST 2022 i hmuh dan:
~ Zofest hi kum dang a an hmannaah ka la kal ve ngai miah lo a, ka vawikhat kalna a ni a, a hmunin a zir bawk si thawktute inpekna a ropuiin, MZP lam a kan hotute thawh hona a tha ka tiin hmuh an nuam thei thin a. Tin, kan unau, kan mizo puite hmun hrang hrang a tangin an rawn kal khawm hlawm bawk a. Hnam lám chi hrang tam tak te kan hmu bawk a. Mizo hnam hrang hrang te tan he khawmpui lian Zofest 2022 hi a hlu ka ti tak zet zet a, Ka tan ngat phei chuan ka hringnun a hun hlu tak pakhat a thlenna, ka hringnun diary a phek pawimawh tak mai leh chhinchhiah tlak tak a ni a ka ngaihluin engtikah mah ka theihnghilh thei tawh ngai lo ang.
 |
| T Shirt by ATbuys Apparels |
Zawhna dang:::
1. A tel lova i awm theih loh: Pathian.
2. I nun kaihruaitu: Bible.
3. Hringnuna i hlauh ber: Mi dangte tan a mi hnawksak nih.
4. I tih ngai miah loh tur: Mi dangte hmuhsita endawng.
5. Mizo Tualzal nuna ṭha i tih: Tlawmngaihna leh aia upa zah.
6. Quote i duh ber:
Spread love everywhere you go.Let no one ever come to you without leaving happier.
~ Mother Teresa
7. Mizoram leh Mizo tualzal nuna Mizo hmeichhiate dinhmun:
~ Hmanlai a kan lo hriat țhin Mipa te chauhin dinhmun sang an luah țhin kha tunah chuan keini hmeichhiate tan pawh a awm ve vek tawh a, kan khawsak danah pawh hrehawm lutuk a awm tawh lova chuvang chuan Mizo tualzawl nunah hian hmeichhe dinhmun hi a țha ve tawh ka ti.
 |
| T Shirt by ATbuys Apparels |
8. Hnam hmingṭhat leh hmingchhiat kawngah Hmeichhiate'n mawhphurhna:
~ Hmeichhia te hi Mipa te aiin mi mit fûkna leh en zawk kan ni a, mipa te aiin mualpho kawngah pawh kan hming a langsar hma bik hle a. Chumi a vâng chuan, ram dangah kan awm a nih pawhin, kan nun kan fimkhurin nelawm tak si zahawm tak a kan nun a, Mizo hnam hi hnam dang ten an ngaihsan theih tur a kan nin a pawimawh em em a ni.
9. Hnam ziarang chawinun kawnga Hmeichhiate mawhphurna:
~ Kan hnam thuamhnaw leh incheina te hi humhalh tlat a vawnhim hi keini hmeichhia te tih tur leh mawhphurhna a ni.
10. Mizote tan 'Fa neih tlem' inzirtir hi a ṭulin i hria em?
~ A tulin ka hre hranlo, mahse, kan chawm zawh tawk tur erawh hriat a tul hle in ka hria.
 |
| Hoodie by ATbuys Apparels |
11. Mizo hnam ṭhanmawh bawk nia i hriat?
~ Intodelh tumna kan nei lo hi.
12. Mizo hnam damna atana kawng awm nia i hriatte?
~ Mipui leh hruaitu te thawhhona leh inlungrualna tha neih hi.
13. Hnam chhan nana Hmeichhiate ṭangkaina leh mawhphurna?
~ Mahni hnampui ngei neih hi.
14. Zirna, Khawtlang leh Kohhran hi?
~ Zirna,Khawtlang leh Kohhranah hian kei chuan inhman hi tha ka ti a theih tawp pawh kan chhuah tur a ni, mahse, zirlai kan nih lai chuan a tawk chin hriat erawh hriat a tha ka ti.
15. Khawtlang, Kohhran leh nangmah:
~ Khawtlang leh Kohhran hi kei chuan ka dah pawimawh a mihring min chher puitlingtu a ni ka ti lo theilo.
16. Social Media leh Nangmah:
~ Social media hi tun angah chuan mi tin khawih a ni a, kei pawhin ka hmang nasa a. A thatna lai tam tak a awm a, amaherawhchu, hman dan chin tawk erawh thiam a ngai viau ka ti.
 |
| T Shirt by ATbuys Apparels |
17. Mizoram ṭhalai tam tak tlakchham:
~ Insumtheihna
18. Mizo ṭhalaite hian ngaihsan tur dik an ngaisangin i hria em?
~ Aw, hria e, hetiang lamah hian hma kan sawn tawh viauin ka hre bawk.
19. Ngaihsan tur dik nia i hriat:
~ Mahni inringtawk, mahni nihna ang a lang ngam te.
20. Hlawhtlinna tura pawimawh:
~ Tumruhna, Thawhrimna leh Taimakna.
21. hloh i hlauh ber:
~ Nun hloh.
22. Hnam dang nupui pasal neih hi:
~ Mi an inhmangaih phawt chuan sawi theih ka nei lo a, mahse, kei chuan neih ka tum lo.
23. Nupui pasal neih hmaa mipat hmeichhiatna hman hi:
~ Kan Bible thuin a phalloh tawp a ni a, min siamtu kan Pathian duh loh zawng a nih vangin tih loh tawp a tha ka ti. Tin, hmeichhe tan phei chuan kan zahawmna pawimawh tak pakhat a ni a pasal kan neih hma chu hmang i hmang lo ang u tiin ka hmeichhiat pui te ka chah duh nghal a ni.
Zofate inpumkhatna hi a thlen theih i ring em? Thleng thei turin engnge pawimawh nia i hriat?
~ Zofate inpumkhatna hi a thlen theih ngei ka ring a.Pathian rinchhanin inlungrualna kan neih hi a pawimawh ka ti a ni.
MZP in ZOFEST a buatsaih ṭhin hian Zofate inunauna kawngah a thawhhlawkin i hria em?
~ Aw, hre tehreng mai.
I thalaipuite tan fuihna:
~ Ka thalaipuite kristian kan nih angin Pathian tih tlat a, kan nu leh pa tan rintlak nih a, Kohhran leh khawtlang tan chhawr tlak ni theuh tura kawng dik zawh thiam turin ka fuih duh a ni.
EXPLOREMIZORAM.COM i hmuh dan:
~ Tunlaiah chuan social media hi kawng engkimah mi tam zawk ten thil kan hriatna a ni ber tawh a. Explore Mizoram pawh hi Mizo thalai ten hlawhtlinna kan chan te hmuh theih a min chhawpchhuah saktu a niin, thu bengvarthlak tak tak kan hriat belhna a ni bawk a, kei chuan tha ka ti tak zet a ni.
#Apparels by ATbuys Apparels
# Photographer: Christopher Renthlei
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Siamsiami Jongte. A thu leh hla a ngaihnawmin a ngaihsànawm hle mai. Nula chhuanawm lo ni zel rawhse.
ReplyDeletePost a Comment
He post chungchanga i ngaihdan lo sawi ve rawh: