Aizawl | Feb 6, 2023: Mizoram Legislative Assembly pariatna ţhutkhawm vawi 11-na chu naktuk Thawhlehni February ni 7 hian ţan a ni dawn a, February ni 28 thleng a awh ang.
Budget Session ţanni ah hian tih dàn pângngaiin Lârsap-in thu a sawi ang a, Lârsap thusawi chunga lawmthu sawina motion put luh a nih hnu-ah ţhutkhawm ţin nghal a ni ang a. A tuk February ni 8 ah inkhawm hnuhnung ber leh tun inkhawm inkara member hlui thite sunna leh Deputy Speaker thlanna hun hman a ni dawn a. February ni 13 ah Chief Minister leh Finance changtu Pu Zoramthanga'n kum 2023 leh 2024 inkar tangka kuma Mizoram sum ruahman (budget) chu House ah a pharh dawn a, hemi rual hian tangka kum kallai atana sum indaihlohna phuhrukna tur (Supplementary Demands for Grants for the year 2022-2023) chu house ah a pharh dawn bawk a ni.
Assembly ni 15 chhunga ţhutkhawm turah hian sorkar dan siam tur pahnih - The Indian Stamp (Mizoram Amendment) Bill, 2022 leh The Mizoram (Restriction on use of Transferred Lands) (Amendment) Bill, 2022 te chu House ah pharh turin a lut tawh a.
Assembly hotute hnen atanga thudawn danin Assembly house chhunga chhan chi zawhna (starred question) 1,018 lut tawhin ziaka chhan tur (unstarred question) 299 a lut tawh a, House dawhkana dah tur lehkha pawimawh 29 lutin private resolution 69 leh private member bill pakhat a lut tawh bawk a ni.
Budget pharh ni February ni 13 tuk, February ni 14 hian sorkar kum kal lai atana sum indaih lohna phuhrukna tur dil belhna (Supplementary Demands) chu sawihova pawm nghal tura chhawpchhuah a ni ang a. February ni 16 leh ni 21 hian a tlangpui a Budget sawihona hun hman a ni ang a. Minister-te’n an department enkawl ţheuhva sum ruahman pawmpui tura sawiho atana an chhawpchhuah ni February ni 22 leh 23 bakah ni 27 leh 28-ah te kalpui a ni dawn a ni.
- AIR Aizawl
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: