MZP-in MZU VC chungchangah memorandum thehlut

Aizawl | Feb 16, 2023: MZP General Headquarters, Aizawl chuan, Vawiin ni 16th February, 2023 (Ningani) chawhnu dar 2 khan MZP Executive Committee meeting rorel bawhzuiin India President Droupadi Murmu hnenah Governor kaltlangin Mizoram University Vice Chancellor chungchangah memorandum an thehlut a. MZU VC lo ni tawhte VC atana dah nawn lo turin an ngen.

Mizoram University Vice Chancellor Prof. KRS Sambasiva Rao chuan MZU-ah a term hmang zovin nikum 2022 November khan Mizoram University a lo chhuahsan tawh a. He a hmun ruak hi Prof. Pravakar Rath chuan Acting Vice – Chancellor niin tunah hian a hmun a luah mek a. Vice Chancellor diltu tam tak an awm mek tih hriat a ni bawk.

MZP chuan Mizoram a zirna-in sang ber Mizoram University a hotu lu ber Vice Chancellor thlanna kawngah hian Central University Act 2009-in a sawi anga, Vice Chancellor nih theih hun chhung kum nga (5) lo ni tawhte thlang nawn tawh lo turin India President leh Mizoram University Visitor ni bawk Pi Droupadi Murmu a ngen.

He ngenna lehkha (Memorandum) hi Mizoram Governor kaltlanga pe-in, Governor hi a zin lai a nih avangin a aiawhin Secretary to Governor-in a lo dawng a ni.

Mizoram University a lo din theih nan leh University changtlung tak a nih theih nan MZP chuan tunhma atangin hma a lo la tawh thin a. Mizo zirlaiten thiamna leh finna kan chharchhuahna hmunpui a nih zel theih nan MZP chuan a thlithlai reng dawn a ni.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)