Aizawl | Feb 1, 2023; Mizo Zirlai Pawl (MZP) General Headquarters, Aizawl huaihawtin vawiin February 1, 2023 chawhma khan Mizoram Subordinate Services Selection Board (MSSSB) chairman bang tura nawrin Secretariat kawtah a pisa kai tur danga punkhawm a ni, hei hi naktukah pawh kalpui chhunzawm an tum.
MZP chuan nikum lam atang tawhin, MSSSB hnuaia hna hrang hrang lakah Mizo thalai tling leh tlak (qualified) an awm phawt chuan hnamdang aia duhsak hmasa turin a lo ngen tawh a. Heng MZP ngenna ten awmzia a neih loh fo avangin MZP chuan thuneitute hnenah January thla chhung ngeia MSSSB chairman thlak tura ngenna a lo thlen tawh tihhhlawhtlin a ni lo chu hriatthiam har a ti hle a. Tunhnaia MSSSB in hna a lakah hnam dang pathum ngawt lak an ni a, he thilah hian MSSSB chairman nilai chu a mawhphurtuah leh hnam tana ding tawk loah ngaiin, a kaihhruaina hnuaia MSSSB hna lak awm zel tur chu ram leilung fate tan him tawk lovin a ngai a, ban a nih ngei theih nan hian hma a la ta a ni, niin MZP thuchhuah chuan a tarlang.
MINECO Gate bula MSSSB chairman ban phuta punkhawmah hian Aizawl khawpui chhunga college leh school zirlai thahnem tak an pungkhawm a, MSSSB chairman hian chawlh a lak avangin chhun dar 12:40 khan punkhawm hi tihtawp rih a ni.
MZP President Pu Lalnunmawia Pautu chuan, “He kan hmalakna hi kan chhehvela hnam dangte kan huat vang a ni lova, a ram leilungfa ten kan chanvo dik tak hmuh hi kan duh mai chauh a ni. Tunah hian kan chanvo hi chhuhsakin kan awm mai piah lamah, Mizo zirlaite chanvo hi official thenkhat ten hnam dang an barh a ni” a ti.
Sawrkar hotute nen hemi chungchangah hian inbiakna neih a ni a, sawrkar hmalakaah lawmna tur a awm loh avangin naktuk February 2, 2023 hian MSSSB chairman pisa kai tur dan chhunzawm a ni ang a. MZP hmalaknain awmzia a neih loh zel chuan February ni 3 (Zirtawpni) hian Aizawl khawpui chhungah MSSSB chairman ban ngiatin zirlaite kawngzawh huaihawt tum a ni a. Hmalak zel dan tur chu ngaihtuaha la puanzar leh an tum a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: