# February, 2023 chhungin result tih chhuah leh interview reng reng conduct a ni lo ang.
Aizawl Feb 2, 2023: Mizo Zirlai Pawl (MZP) General Headquarters, Aizawl-in Mizoram Subordinate Services Selection Board (MSSSB) chairman bang tura a nawrna chungchangah sorkar hotute nen inbiakna an neih leh hnuin tihtawp a ni.
School Education Minister Pu Lalchhandama Ralte chuan Mizo Zirlai Pawl ten bang tura an nawr mek Mizoram State Subordinate Service Selection Board (MSSSB) Chairman chu ban ngawt theih a nih loh thu leh tun thla ni 6 ah insawifiah tura tih a nih thu a sawi.
Pu Lalchhandama Ralte chuan, zirlai pawlte duh dan chu ram leh hnam tana tha tur ni a sorkar pawhin a hriat angin ngaihtuahna an seng hle tih a sawi a, MSSSB Chairman nilai mek chu post pawimawh leh hna zahawm tak a nih avangin ban ngawt theih a ni lo a tih bakah February ni 6 ah a insawifiahna sorkarah thlen tura tih a nih thu a sawi a, he thil chhuichiang tura sorkarin a ruatten February ni 8 ah an thil hmuh dan an thehlut dawn tih a sawi bawk.
Pu Lalchhandama Ralte chuan sorkar in ram leilung fate tan dan hnuaiah hna lakna kawnga inkaihhruaina tha zawk siam turin hmalak a tum mek tih a sawi a, MSSSB hnuaiah February thla chhung hian hnalak result tih chhuah leh interview kalpui a ni dawnlo tih a sawi bawk a ni.
Vawiin chawhma khan MZP hruaitute hi Pu Lalchhandama Ralte room-ah inkawmin, sawrkar ngenna leh MZP duh dante an sawi a ni.
MZP hruaitute hnena sorkar thuneitute ngenna chu heng te hi a ni;
1. MSSSB-in Asst. Grade a lak chungchangah Chairman, MSSSB hi Dt. 06.02.2023 hmaa insawifiahna thehlut tura hriattir a ni ang.
2. Assistant Grade Exam chungchangah hian thil felhlel a awqm leh awm loh chhui chiang turin DP & AR (GSW) in enquiry a ti nghal ang. Dt. 08.02.2023 aia tlai lovah report hi thehluh tur a ni ang.
3. Ram leilung fate tan Direct Recruitment Rules, dan hnuaia him leh felfai, tun aia tha zawk nei tura hmalak a ni ang.
4. February, 2023 chhungin result tih chhuah leh interview reng reng conduct a ni lo ang.
5. Chairman post hi vacancy circular Dt. 03.02.2023 aia tlai lovah tih chhuah a ni ang.
MZP-in MSSSB hnuaia hna hrang hrang lakah thiamna inangah Zofate chanvo humhalha tling leh tlak (qualified) an awm phawt chuan hnam dang aia duhsak hmasa tura ngenna ti hlawhtlinglo a. Tunhnaia, MSSSB in hna a lakah hnam dang pathum ngawt lak an nih avangin MSSSB chairman chu he thil thlenga mawhphurtu leh hnam tana ding tawk loah ngaiin, Sorkar thuneitute hnenah January thla chhung ngeia thlak tura ngiatin lungawilohna lantir a ni a.
MZP PRESS RELEASE
Mizo Zirlai Pawl (MZP) General Headquarters, Aizawl-in Mizoram Subordinate Services Selection Board (MSSSB) chairman bang tura a nawrna chungchangah sorkar hotute nen inbiakna neih leh anih hnuin tihtawp a ni.
MZP-in MSSSB hnuaia hna hrang hrang lakah thiamna inangah Zofate chanvo humhalha tling leh tlak (qualified) an awm phawt chuan hnam dang aia duhsak hmasa tura ngenna ti hlawhtlinglo a. Tunhnaia, MSSSB in hna a lakah hnam dang pathum ngawt lak an nih avangin MSSSB chairman chu he thil thlenga mawhphurtu leh hnam tana ding tawk loah ngaiin, Sorkar thuneitute hnenah January thla chhung ngeia thlak tura ngiatin lungawilohna lantir a ni a.
MSSSB Chairman bang tura ngiat a, MZP lungawilohna chungchangah hian Sorkar thuneituten MZP hruaitute hnenah ngenna hrang hrang a thlen a. Hemi chungchanga Ni 2 February 2023 chhun dar 12:30-a MZP hruaitute, College SU hruaitute leh Hnampual zirlai pawl hruaitute Emergency Meeting neih chuan Sorkar thuneitute ngenna ngun taka a ngaihtuah hnuin MSSSB Chairman ban ngiata hmalakna chu tihtawp a ni a. Naktuk zirtawpnia kawngzawh huaihawt tum pawh ṭhulh a ni.
MZP hruaitute hnena sorkar thuneitute ngenna chu heng te hi a ni;
1. MSSSB-in Asst. Grade a lak chungchangah Chairman, MSSSB hi Dt. 06.02.2023 hmaa insawifiahna thehlut tura hriattir a ni ang.
2. Assistant Grade Exam chungchangah hian thil felhlel a awqm leh awm loh chhui chiang turin DP & AR (GSW) in enquiry a ti nghal ang. Dt. 08.02.2023 aia tlai lovah report hi thehluh tur a ni ang.
3. Ram leilung fate tan Direct Recruitment Rules, dan hnuaia him leh felfai, tun aia tha zawk nei tura hmalak a ni ang.
4. February, 2023 chhungin result tih chhuah leh interview reng reng conduct a ni lo ang.
5. Chairman post hi vacancy circular Dt. 03.02.2023 aia tlai lovah tih chhuah a ni ang.
Sd/-
(JACOB LALMUANPUIA)
General Secretary
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: