Aizawl | Feb 3, 2023: Mizo Students' Union (MSU) General Headquarters Aizawl bultumin ni 30 January 2023 khan Jantar Mantar, New Delhi ah Peaceful Demonstration (Delhi Chalo, Delhi Jaggo) neiin, mi 1000 chuang an pungkhawm.
He hunah hian MSU chuan, "Mizo mipui leh khawtlang hi India ram leilung fa kan nih zia hi ram mipui te hnenah hriattir a, thlamuang taka awm kan phu." an ti a, "Myanmar ram in zalenna a sual mekah hian India-in thlawp rawh se." tiin, "Chin-Mizo-Kuki hnam hrang hrang India ram a lo pemlut zawng zawng tehi India sawrkar in min thlawp tlat turin kan phut tlat a ni." an ti bawk.
He programme hi MSU Treasurer Zodinsanga'n a kaihruai a. Preamble chhiarchhuahna neih niin Lalnunmawia secretary i/c Foreign Affairs in a kaihruai a. Resolution chhiar chhuahna leh lawmthu sawina chu Samuel Lalruatdika, Asst. General Secretary in a kaihruai.
MSU President Samuel Zoramthanpuia chuan, Mizo-te hi ram dang ami te ang bawka Indian kan nih thu leh chutiang anga Mizo community hi India miten an hriat ve a tul thu a sawi a. India sawrkar chuan nasa leh zawka Mizote a ngaihsak a tul thu a sawi. Mizo-Chin-Kuki te chu tobul inang, culture leh thlahtute inang kan nih avangin heng kan unaute rambuai avanga rawn pemte chu lo pawm turin a phut a. Myanmar unauten India pawna zin theihna tur exit permission pawm turin a phut bawk a ni. India chu Democracy ram lian ber a nih angin kan thenawm Myanmar ramin democracy a neih theih nana thlawp turin a phut bawk a ni.
MSU resolution-te:
1.Mizo mipui leh khawtlang hi India ram leilung fa kan nih zia hi ram mipui te hnenah hriattir a, thlamuang taka awm kan phu.
2. Myanmar ram in zalenna a sual mekah hian India-in thlawp rawh se.
3. Chin-Mizo-Kuki hnam hrang hrang India ram a lo pemlut zawng zawng tehi India sawrkar in min thlawp tlat turin kan phut tlat a ni.
4. Myanmar atanga raltlante hian Exit Permit an neih theihnan India sawrkar kan phut a ni.
5. India ram a State ralmuang ber Mizoram hi kan humhim zel ang.
6. United Nations High Commissioners for Refugees(UNHCR) hian North-East India ah Office nei a, thuthmun rem turin kan ngen a ni.
MSU President chuan, "Kan thil phutte a hlawhtlin ngei theih nan MSU chuan pen khat pawha a hnungtawlhloh tur thu a sawi a. Kan pal a tliah loh chuan kan ngal a tliak ang," ati bawk a ni tiin MSU Thuchhuah chuan a tarlang.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: