Mipui en theih turin Mizo Film thar ' Amawii' tlangzarh ta!

Aizawl | Feb 12, 2023: Mizo Film thar ' Amawii' chu nizan khan Minister Robert Romawia Royte-in vanapa Hall-ah a tlangzarh.

'Nutei Thingpui Dawr' film siamtute siam Mizo Film thar 'Amawii' chu nizan February 11 khan mipui en turin tihchhuah a ni a, RUNMAWI.COM-ah dah a ni dawn.

AMAWII hian entute mit a laiin hmuhnawm an ti hle a, Nizana film tlangzarha entute an insut nasa hle a, "mittui hrukna tur inchhhawp a ngai," an ti!.

EXPLOREMIZORAM.COM -in a lo tarlan tawh angin Amawii film hi Zote Entertainment te buatsaih niin Runmawi Apps co-produce a ni. Amawii film director hi Mike-a tia hriathlawh H Lalsangzela a ni a, Asst Director hi Aruata Fanai niin, ani hi he film ah hian Make up Artist a ni bawk. Director of Photography ah Ruattea Photography a ni a, Nutei Thingpui Dawr leh Ka U Liana film siamtute tho kha an ni.

Trailer Video:

Amawii Film-ah hian 'Nutei Thingpui dawr' a misualpa VS Laldinpuia kha a inlan leh dawn a, tun tum chu a changtupa ber a ni dawn a ni. film lama vawikhat lanna turin Maneihi Fanai, Haulawng nula hmelṭha Feli Ralte leh Lalhmangaihsangi te an rawn inlan ve dawn bawk. Mipui ngaihven Mizo Idol star David Darlong pawh a chang ve dawn a, ani bakah Nutei Thingpui Dawr leh Ka U Liana story ziaktu Aaron Malsawmdawngzuala pawh a rawn inlan ve bawk a ni.

EXPLOREMIZORAM.COM -a tarlan tawh angin, Amawii film-ah hian 'Ka U Liana' filma zei tak maia misualnu lema chang, nula hmelṭha leh mipa tam tak ngaihzawn Ruthy Chenkual pawh kan hmu leh a. Kantu Express leh Scooty film atanga kan lo hriat, Nu Machhungi pawh a rawn inlan bawk.

'Amawii' hi nikum November thla tawp khan Muthi-ah shooting tan niin December ah Aizawl khaw hmun hrang hrang ah shoot chhunzawm leh a ni bawk a. Kumin January thla tir khan shooting an chhunzawm leh a ni.

Amawii film OST hi tunlai zaithiam leh hlaphuahthiam hriat hlawh Rpa Ralte in a phuah a ni a, Mizo Idol 2022 T.Vanlalhmangaihi'n a sa a ni.

A film hi thil thleng tak tak behchhana siam niin, zu vanga chhungkaw buaina chungchang niin a tawngtu ngei pawh interview thlapin a phalna thlapa siam a nih thu EXPLOREMIZORAM.COM chuan thu a dawng.

He film-ah hian Mizo fashion designer lar Tluangpuii Hmar leh Youtuber lar Misualpa (Mpa) pawh kan hmu bawk.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)