Serchhip | Feb 17, 2023: Sawrkar laipuia Telecommunications Ministry enkawltu Minister of State Pu Devusinh Chauhan chuan zan khat riak turin vawiin khan Helicopter-in Serchhip a thleng a, Serchhip helipad-ah Serchhip district bawrhsap Pi Nazuk Kumar, Serchhip SP Pu Stephen Lalrinawma, Serchhip Addl DC Pu Lalmuansanga Ralte leh Serchhip district a sawrkar official ten an lo hmuak a ni.
Vawiin chawhnu dar 2:00 khan Serchhip DC Conference Hall-ah Serchhip district official pawimawhte nen inkawmhona hun hmangin Pu Devusinh Chauhan chuan Prime Minister Narendra Modi-a'n India hmarchhak hmasawnna a ngai pawimawhin a vei em em a, a Minister te chu India hmarchhak state tlawh vek turin a tih thu sawiin anni pawhin hei hi phur takin an bawhzui tih a sawi.
Minister hian Serchhip district in an lo lawmnaah lawmthu sawiin, district chhunga sawrkar laipuiin hmasawnna hnathawh a kalpui mekte a mit ngeia a hmuh thu leh heng hnathawhte hi tha taka tihhlawhtlin a nih chu an duhthusam a ni tih sawiin, an duhkhawp lohna laite leh tan lak ngai laite a awm a nih chuan a hnena thlen turin official kalkhawmte a chah a, postal service (dak) tihchak lehzual kawngah tan lak a nih tur thute, internet connectivity tihhmasawn lehzual tu a nih thute sawiin India Post hnuaiah hamthatna chi hrang hrang miretheite hnen thleng thei a awm tih a sawi a, hengte hi ngaihvena chhawr tangkai turin mipuite a sawm bawk a ni.
Vawiin inkawmhona hi Pu Lalmuansanga Ralte, Addl DC in a kaihruai a, Serhhip district bawrhsap Pi Nazuk Kumar-in Serchhip district dinhmun tlangpui leh sawrkarin hmasawnna hna a thawhte sawifiahin powerpoint presentation a nei a, Serchhip SP Pu Stephen Lalrinawma pawhin police in dan leh thupek kenkawh kawnga hna an thawh dan powerpoint hmangin a sawifiah bawk a ni.
District officialte nen an inkawmho zawh hian Minister hian Serchhip DC Conference Roomah Serchhip District MJA, Sub-hqrs YMA, Joint Village Council leh kohhran hruaitute a hrang theuhin a kawm a, hemi hnu hian Serchhip District Hospital leh Post Office a tlawh bawk a ni.
Minister of State hi a nupui Pi Bhartiben Devusinh Chauhan leh a personal staff ten an tawiawm a, a Ministry enkawl atangin Pu Joseph Lalrinsailova, Post-Master General leh Pu Rajashekar Reddy Algubell AGM(Rural), BSNL bakah Postal leh BSNL official ten an tawiawm bawk a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: