Aizawl | Feb 7, 2023: Mizo Students’ Union General Headquarters, Aizawl hruaitute chuan vawiin tlai dar 3 khan Mizoram Lok Sabha MP Pu C. Lalrosanga hovin United Nations High Commisioner for Refugees (UNHCR) Chief of Mission an kawm.
He hunah hian MSU President Samuel Zoramthanpuia chuan, MSU-in India ram chhunga Mizo Hnam damna tur leh Zofate Jerusalem bela kan unau rawn lutte ngaihtuah tura tlangauna ni 30 January, 2023-a Jantar Mantar-a Peaceful Demonstration a neiha MSU thil phutte thlenin a bawhzui.
MSU thuchhuahin a tarlan danin, MSU President Pu Samuel Zoramthanpuia chuan, UNHCR Chief of Commission Oscar Mundia hnenah Mizorama raltlante dinhmun leh an harsatnate a thlen a. Mizorama raltlante harsatna awlsam zawka sutkian a nih theih nan leh hna chak zawka thawh a nih theih nan North-East India-a UNHCR Office siam a pawimawh thu te, India rama raltlante’n ram dang an chhuahsan theihna tur Exit Permission an neih theih nan te, raltlante’n UN Registration Card an neih theih nana interview siamsak a ṭul thu te a thlen a. Mizote chuan ‘sem sem dam dam, ei bil thi thi’ kan nunpui avangin kan unaute kan chhawmdawlna kawngah a thlengtu inpui a ṭâm ṭêp tawh avangin United Nations chu a rawn inrawlh vat a ṭul thu thlenin hemi chungchanga ṭanpuina tur Project-Kulva a thehlut nghal bawk.
UNHCR Chief of Mission Oscar Mundia chuan, MSU hruaitute chu anni pawh mikhual an nih ve tho avangin India ngaih dan anga chet a ṭul thu a hrilh a. Harsatna hrang hrangte sut kian a nih theih dan tur ama kut aṭanga chin fel theih chu rawn tih ngei a tum thu leh MSU-in Mizorama UNHCR ngei kal tura a ngenna chu tihhlawhtlinsak a tum thu a sawi, niin MSU thuchhuah chuan a tarlang.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: