LAL NAU KA LO NIH

1. Mi sâng tamtak ha'n tlantu hre lova,

Muong taka nun an phâm laiin;

Pathien hring Krista hmutu le changtu,

Ka lo ni el hi ka va lâwm ngei aw!

Hlim le lâwm takin lâm dêr dêr ka ta,

Hnena hla mawi chu rem ka tih;

Khawvêlin an hriet lo nun ka nei,

Amen! a va ropui ngei Lal nau ka lo nih.

2. Hmingthang, chawimawina, rosum po nêkin,

A hlu lem ka nun Krista hi;

Ka sûngril damna, ka lâwmna ngei chu,

Vâna khin ka hming ziek a ni an nâwm.

3. Ka nun mi fietu rinum, buoina ha'n,

Nitinin mi'n huol vêl sienkhawm;

Krista hmangaina ropui tak el chun,

Mi țhe ta ngai naw nih ka dam sûngin.

4. Mi rimsi, riengvai iengin lêng lang khawm,

Ram țha lem ka nei Vâna khin;

Vân khuo le tuiah hlângkai ka ni tah,

Chawng ang ka'n chên ie, 'Hallelui!' tiin.

- Pastor Elson J Thiek (L)

.