Aizawl | Feb 12, 2023: Vawiin Sunday (12/2/23 khan India President Draupadi Murmu chuan state țhenkhat Governor an awmna state ațanga state danga sawn chhuahna tur leh Governor atana mi thar ruatna lehkha pawimawhah hming ziakin a tichhuak.
Governor siksawi danglam leh ruat thar hi kum 2024 a Lok Sabha inthlan awm tura inbuatsaih lawkna ni theia ngaih a ni. States 12 leh UT pakhat te Governor tur hi siksawi leh ruat thar an ni.
Maharashtra Governor Bhagat Singh Koshyari chuan Governor ațanga a banna a theh lut a, Radha Krishnan Mathur, Ladakh UT Lt. Governor pawh a bang bawk.
GOVERNOR THAR TUR TE:
President Secretariat in official statement an chhuah dan chuan heng mite hi Governor atan ruat an ni.
1. Lt.General Kaiwalya Trivikram Parnaik chu Arunachal Pradesh atan ruat a ni a.
2. Lakshman Prasad Acharya chu Sikkim Governor atan ruat a ni.
3. C.P Radhakrishnan Jharkhand Governor
4. Shiv Pratap Shukla, Himachal Pradesh Governor
5. Gulab Chand Kataria Assam Governor.
6. Justice (Retd.) S. Abdul Nazeer Andhra Pradesh Governor.
GOVERNOR TRANSFER TE
Governor țanglai awmna hetiang hian siksawi a ni.
1. Biswa Bhusan Harichandan,Andhra Pradesh chu Chhattisgarh Governor atan sawn a ni.
2. Sushri Anusuiya Uikye, Chhattisgarh chu Manipur ah sawn a ni.
3. La Ganesan, Manipur chu Nagaland atan sawn a ni.
4. Phagu Chauhan Bihar Governor chu Meghalaya Governor ni tura sawn a ni.
5. Rajendra Vishwanath Arlekar, Himachal Pradesh chu Bihar Governor atan sawn a ni.
6. Ramesh Baise, Jharkhand țanglai Maharashtra ah sawn a ni.
7. Brig. (Dr.) Shri B.D. Mishra (Retd.), Arunachal Pradesh Governor chu Ladakh UT Lt. Governor atan sawn a ni.
President secretariat thu chhuahin a tar lan dan chuan Governor ruat thar te leh an awmna hmun sawn te hi an hna an zawm ni ațangin an mawhphurhna ni atan chhiar a ni ang.
Mizo hi Governor leh Lt Governor atan engtikah nge ruat kan nih ve ang?
Source :
President's Secretariat
PRESS COMMUNIQUE
pib.gov.in 9:16 AM
===120223
Huna Kawlvawm
Post a Comment
He post chungchanga i ngaihdan lo sawi ve rawh: