Aizawl | Feb 19, 2023: Chief Minister Pu Zoramthanga’n Chanchin ṭha hril turin Pathianin Mizoramah Mizote a dah a ni, a ti.
He thu hi nimina Govt.Serchhip College Administrative Office building, Cheng Nuai 650 senga sak tur lungphum a phumnaah Chief Minister hian sawiin, Mizote chuan chanchinṭha hril kawngah a hnam phû lovin hma an la mek a; India hmarchhaka kristian dang te’n an hnu an rawn chhui mek a ni, a ti.
Chief Minister chuan ram chheng chhe takah hian Pathianin thil tum neiin Mizote a dah a; hei hi hriain ṭhalaite pawhin vawi khat pian manah ruih theih thil bàwiha tân an inphal tur a ni lo, a ti a. Pathianin Mizorama Mizote a dahna thuthlung chu College Building sakna tur lungphum a phum rualin a phum tel duh tih a sawi a ni.
Chief Minister chuan kum 17 zet Finance Minister a nih tawh chhungin covid-19 hrileng vangin tun ṭum hi sum enkawl harsa a tih ber ṭum a nih thu sawiin, dam khaw chhuah chu an tum a ni ber mai, a ti a. Serchhip bial chu ram laili-a awm, Mat phai ram ṭha leh Thenzawl khaw hmun rem luah a nih avangin nasa taka cheibawl theih a ni a, he malsawmna hi chhawr ṭangkai theih a ni, Pu Zoramthanga chuan a ti a. Serchhip hmun lailia PWD Engineer te insawn chhuah nan New Serchhip-a PWD Complex-ah engineer quarters ṭha tawk tak Cheng Nuai 300 sengin sak a ni dawn, a ti.
Govt Serchhip College building lungphum phumnaah hian Tuikum bial MLA, Minister Er. Lalrinawma pawhin sum harsatna nasa tak karah Govt. Serchhip College-in zirna lama Chief Minister ṭhahnemngaihna zar a zo chu a lawmawm hle a ni, a ti a. Zirlaite chu an mimal thila harsatna an tawhte huai taka su tlang thin tura chahin, thil dang zawng aia an nun uluk turin a fuih a ni.
Serchhip DC Nazuk Kumar-i pawhin Govt Serchhip College tan he ni hi ni chhinchhiah tlak a nih thu sawiin, he college-a thawkte thawhho ṭhatna zarah hmasawnna tam tak, NAAC Grade-A thlengin an hlawh chhuak a ni, a ti.
PWD Engineer-in-Chief Pu C. Lalhmingthanga Technical Report a a lan dan chuan Serchhip College Office building hi chhawng li-a sak tur a ni a, a sakna tur hi Cheng Nuai 650 ni mah se, GST leh thil tul dang dah hnua a sakna tur tak chu Cheng Nuai 568 Sing 3 leh Sang 6 a ni a, tun thla ni 27 aṭanga kum 3 chhunga sak zawh tur a ni a. A satu tur hi Aizawl Dawrpui veng Pi Lallianzovi a ni.
- AIR Aizawl
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: