Aizawl | Feb 21, 2023: Central Jail tang mi 436 awm theihna-ah tang mi 825 an awm mek a, Central women jail capacity hi 96 a nih laiin tang 214 an awm mek bawk niin sawrkar thuchhuah chuan a tarlang.
He thu hi vawiina Aizawl bawrhsap Dr Lalhriatzuali Ralte-in Central Jail a tlawh tumin tarlan a ni a, Central Jail a harsatna hrang hrang leh hmalak theihna tur hrang hrang an sawiho bawk.
Central Jail capacity hi 436 a nih laiin tang mi 825 an awm mek a, Central women jail capacity hi 96 a nih laiin tang 214 an awm mek bawk. Jail a thawk zat leh tang zat atang hian indaihlohna a nasat zia hriat theih a ni a, a tul ang a UTP (under trial prisoner) te pawh an case a rang zawk a chinfel sak zel theih dan tur te sawiho a ni.
ND&PS Act hnuaia tang hi an tam ber a, ruihhlo kaihhnawih a harsatna siam an tam tih a tarlang bawk. Hemi avang hian Sorkar leh khawtlang pawhin hmalakna nasa zawk lak a ngaih thu sawiho a ni.
Jail tang chhuak, chhungte bul a letna tur nei lo leh harsa zawkte awm zawmna tur leh inenkawlna (rehabilitation) kawng sawiho a ni a, Mizoram Social Defence & Rehabilitaton Board te hmalakna leh scheme hrang hrang thlunzawm dan pawh sawiho a ni a, fel fai zawk a duan tura ruahman a ni.
Aizawl bawrhsap hi Special Supt Central Jail, Pu Zosangliana leh Medical Officer, Central Jail Dr. CT Lalruatkima ten an lo dawng sawng a, Aizawl bawrhsap hi Pi Zarzokimi, IG Prisons, Pi Lalrochami Ralte, CJM Aizawl, Pu H.T. Lalmawizuala, JMFC, Dr Robert L Khawlhring, SNO Mental Health, Dr Laldinpuii Ralte, DIO, Pi Lalhlupuii Sailo, CEO MSDRB, Pi R. Lalrinzuali, SDC, Aizawl leh officials dang ten an tawiawm.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: