Aizawl Day lawmna tan; Inrinni thleng awh dawn

Aizawl | Feb 24, 2023: Aizawl Day vawi 133-na lawmna chu nimin mkhan A.R Lammual ah tan a ni ta a. Aizawl Day pual hian Aijal Club ah Conclave hman a ni bawk.


Aizawl Day Conclave hi Aizawl Mayor, Pu Lalrinenga Sailo chuan khuallian niin a hmanpui a, Aizawl Day hriatrengna lehkhabu a tlangzarh. Aizawl Mayor chuan, Aizawl mipuite chu Aizawl Day chibai bukin; AMC in hmasawnna tam tak a thawh tawhna a mipui tawiawmna tha tak an dawn thinah lawmthu a sawi. 


Aijal Club-a Conclave-ah hian Pu Lalhruaitluanga Ralte hnen atangin Aizawl History chungchang paper a buatsaih chu zirhona neih a ni a. Aizawl hun kal tawh hun ngaihhlutawm leh Aizawl hun lo la awm tura hmathlir te sawihona hlawk thlak tak hman a ni. Pu K. Liantlinga, Aizawl Mihlun Thlahte Chairman pawhin thusawiin vawiin Aizawl lo thlen theihna tura Aizawl mi hmasa te zahna chibai a buk. Aizawl Day Conclave hi Pu Laltlanzova Khiangte chuan a kaihruai.

Aizawl Day lawmna pui ber chu AR Lammualah nimin atang khan neih mek a ni a, Carnival, Photo Exhibition, Band Contest, Costume Parade, Cosplay bakah stall tam tak leh ei leh in stall thahnem tak siam a ni a, mipuite tan a thlawnin a tlawh theih a. AMC chuan Aizawl Day lawmna a tel turin mipuite a sawm a ni.


Aizawl Mihlun Thlahte chuan thuchhuah siamin, Aizawl dinchampha vawi 133-na a lo thlen hian; Aizawl mipuite leh Mizoram mipuite chibai an buk a. Aizawl hi kum 1890, Ni 25 February khan Mr. W.W Dally leh a hote mi 400 in Aijal Fort an din atanga mei mit lova, Pathian hruaina changa vawiin hun kan thleng thei hi lawmawm kan ti hle a. Aizawl Municipal Corporation (AMC) In Aizawl Day lawmna ropui taka a buatsaih hi lawmawm kan ti a. Mipui ten a lawmna A.R Sipai Lammuala neih hi chhim theuh turin mipuite kan sawm a ni, an ti.


"Mi Nuai 5 chen mekna Aizawl hian neitu thinlung pu a hmangaihtu a mamawh hle mai a. Aizawl khawpui faina leh thianghlimna atan hian a mi chengte hi kan pawimawh em em a. Kan khawpui neihchhun Aizawl hi hmangaih leh duat taka, beiseina nung nen kawng dik sial turin Aizawl mipui zawng zawng te he ni ropui ah hian kan sawm a ni." tiin an thuchhuah chuan a tarlang.


(Khawngaihin, i lo share darh ve ngei dawn nia aw!)
 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(He website kal zel theih nan hian fakna lo langte hi i lo hmet ve thin dawn nia.)

Post a Comment

He post chungchanga i ngaihdan lo sawi ve rawh:

Previous Post Next Post