Party atangin amaha bang a ni lova, MLA a nihna hlih sak ngawt theihna dan, a awm, ka hre lo - Speaker Lalrinliana Sailo

Aizawl | jan 26, 2023: Siaha Bialtu MLA Dr. K Beichhua chu MNF party primary member a nihna atangin chawlh tir a ni a,  a rualin MADC a MDC ni lai N. Viakhu pawh MNF member atanga chawhtir a ni.

MNF President, Pu Zoramthanga chuan nimin khan hriattirna a ti chhuak a, Dr. K Beichhua chu an party dan kalha che-ah puhin, MNF partydan bu, bung 15, chang 67 tlawh chhanin MNF primary member a nihna atanga chawlh tir a nih thu a puang a ni. 

Dr. K. Beichhua rual hian Mara Autonomous District Council-a MDC ni lai, Pu N. Viakhu pawh MNF primary member a nihna atanga chawlh tir a ni bawk.

MNF party member atanga ban a nih chungchang zawhna chhangin Dr. K. Beichhua chuan, an party atanga chawlh tir a ni chuan a barakhaih thu sawiin, Minister atanga a ban hnuah an party emaw, an hruaitute sawi chhe zawnga a tawng ngai loh thu leh, tuna bial a fan mek naah pawh an party dan kalha a chet loh thu a sawi. Hetihlai hian minister atanga a ban hnuah erawh a bial chhung khaw hrang hrang a fan kualnaah party bil awm loin mipuiin an lo hmuak thin tih a sawi a, mipuiin an lo dawngsawnna leh duhsakna chu hnar theih anih loh thu a sawi. 

Dr. Beichhua chuan, MNF atanga an ban tak hnuah party dang a zawm dawn leh dawn loh chu tun dinhmunah a la sawi thei rih lo tih a sawi a, a bial mipuite rawn chung zela hmalam pan a tum thu a sawi.

MNF party member atanga chawlh tir a nih avangin Dr. Beichhua hi MLA a nihnaah nghawng a neih dawn leh dawn loh zawhna chhangin, Speaker Pu Lalrinliana Sailo chuan, "Party atangin amaha bang a ni lova, MLA a nihna hlih sak ngawt theihna dan, a awm, ka hre lo," a ti a, assembly session-ah khawiah nge a thut ang?..tih zawhna chu, "Sawi a la har deuh. A mah nen sawi dun a tul mai awm mange" a ti.

Kum 2018 MLA inthlanpui neih a Siaha bial atanga MNF ticket-a vote 8,109 hmu a, thlan tlin, Dr K Beichhua hi MNF sorkar term kal mekah hian Minister of state a ni thin a, chief minister Pu Zoramthanga'n ti tura a tih angin December ni 13,2022 khan, minister of state a nihna atangin banna, a thehlut a, tunah hian MNF member atangin chawlh tir a ni leh ta a ni.

- Mizo Special Report

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)