Aizawl | Jan 13, 2022: Mizo Zaimi Inzawmkhawm (MZI), Bawngkawn branch, Aizawl chu January 12, 2023 zan khan MZI Gen. Hqrs. President Er. Lalrothanga'n a hawng.
MZI, Bawngbawn branch hawnna hun hi Bawngkawn zau laiah buatsaih a ni a. MZI Patron R Lalzirliana hovin MZI Gen. Hqrs. hruaitu engemawzatin an telpui a. Zaithiam ten kalkhawmte zaiin an awi bawk.
MZI President Er. Lalrothanga'n MZI, Bawngkawn branch a hawn rual hian branch tharin an mamawh tur hrang hrang, seal leh tul dang te chu MZI Gen. Hqrs. hmingin MZI, Bawngkawn branch hruaitute hnenah a hlan nghal a ni.
MZI President chuan MZI, Bawngkawn branch chu duhsakna hlanin, MZI-a member tangkai tak tak engemawzat awmna Bawngkawn-a MZI branch an hawng ta chu lawmawm a tih thu a sawi a. MZI chu zaithiam leh thiam lo te, rimawi tum thiam leh thiam lo te, hla phuah thiam leh thiam lo te pawh zai leh rimawi ngaina te chu an len vek na pawl a nih thu a sawi.
MZI Patron R Lalzirliana pawhin thusawiin, "rimawi leh hla satute tel lovin kan awm thei lova, eng hunah pawh chhiat/that kan tawh leh kan punkhawmnaah kan zai thin a, rimawi hi Mizote nunah a pawimawh em em" a ti a. MZI pawl lian takin Bawngkawn-a branch an hawng ta chu lawmawm a tih thu a sawi.
R Lalzirliana chuan "hmanlai Kawngkawn ni lo, Bawngkawn thar ka hmu" tiin, MZI branch hawnna puala concert huaihawtah pawh ruia midang tana hnawksaka awm chi hmuh tur awm lo chu lawmawm a tih thu a sawi a. Art & Culture Deptt leh MZI hmalaknain ni thum awh tur Zoawi rimawi kutpui nei tura hmachhawp a awm mek thu sawiin, NEC atangin sum mamawhte pawh an hmu hnaia an beisei thu a sawi bawk.
.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: