Aizawl | Jan 20, 2023: Mizoram leh Assam ramri buai chungchanga thuneitu sang Sawrkarin a din Boundary Committee chu vawiin khan a vawi 5-na atan Boundary Committee Vice Chairman, Home Minister Pu Lalchamliana kaihhruaina hnuaiah Directorate of Forensic Science Laboratory, Conference Hall, MINECO ah an thukhawm a. He meeting-ah hian Law & Judicial Minister Pu TJ Lalnuntluanga pawh a tel a ni.
Home Minister Pu Lalchamliana'n thu tawi sawiin, Mizoram leh Mizo mipuiin ramria kan pawm tlan chu 1875 ang a ni, tiin hei hi November 17 inbiaknaah pawh kan tan chhan a ni, a ti a. Ramri chungchangah leh hnam thilah kan tanrualna leh kan inlungrualna te hi a lawmawm tiin he inbiaknaa thu intawm chhuah bawhzui zelna atan Boundary Committee Member te chu an ngaihdan zau taka sawi turin a sawm a ni.
Ramri depa dan leh thupek kenkawh leh tunhnaia Kolasib district depa thil thleng 4 report tawi chu Pu John Neihlaia, IGP (Headquarters) in a sawi a. November ni 16-17 2022 a Guwahati a Mizoram leh Assam aiawhte inbiakna report chu he inbiaknaa tel, Boundary Committee Member Secretary, Home Commissioner leh Secretary Pu H. Lalengmawia, IAS in a sawi a. Heng report pahnih ngaihthlak a nih hnuah inbiakna hnuhnung bera thu intawm Joint Statement chhuah chungchang chu sawiho niin JAC on IRLF bakah Member dangte pawhin November ni 16-17-a inbiakna thu hawn leh thu intawm chu tha an tih thu an sawi a ni.
He thu intawma point 1 chungchang - Mizoram Sawrkarin ramri nia kan pawm huamchhunga khua awmte, an area huamchin te, a geo spatial extent te, heng hmuna cheng mihring chanchin leh hnam awm (ethnicity) chanchin te leh chanchin dangte chu thla thum chhunga lak khawma, Assam Sawrkar hnenah thehluh chungchang tihhlawhtlin nan rawtna hrang hrang siam te zau takin an sawiho hnuin, hemi buaipui turin Study Group siam meeting chuan a rel a. Study Group Convenor atan Prof. J Doungel, Mizoram University ruat niin Pu Lalthiamsanga Sailo chu Member Secretary ah ruat a ni. He Study Group ah hian Land Revenue & Settlement, Environment, Forest & Climate Change Department te leh MIRSAC bakah a tul angin Member dangte ruat ni se tih rel a ni bawk.
Vawiin meeting ah hian Chief Secretary Dr. Renu Sharma leh Home Department hotulute bakah Boundary Committee Member – political party leh NGO aiawhte leh JAC on ILRF aiawh an tel bawk a ni.
Ramri chungchangah hian tum 3 lai High Level Delegation meeting neih a ni a. August ni 5, 2021 ah Aizawl meeting hmasa ber neih a ni a. A tum hnihna pawh Aizawlah bawk August ni 9, 2022 khan neih a ni a. A vawi thumna hi Guwahati ah November ni 17, 2022 khan neih a ni. Heng meeting pathum hian thu intawm Joint Statement an siam vek a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: