Mizo Film thar 'Amawii' Feb thlaah

Kolasib | Jan 14, 2023: 'Nutei Thingpui Dawr' film siamtute siam Mizo Film thar 'Amawii' chu February thla hian mipui en tura tihchhuah hman beisei a nih thu EXPLOREMIZORAM.COM chuan thh a dawng.


Amawii film hi tunah hian shooting neih mek a ni a, a hmawr an bawk ṭep a ni.

Amawii film hi Zote Entertainment te buatsaih niin Runmawi Apps co-produce a ni. Amawii film director hi Mike-a tia hriathlawh H Lalsangzela a ni a, Asst Director hi Aruata Fanai niin, ani hi he film ah hian Make up Artist a ni bawk. Director of Photography ah Ruattea Photography a ni a, Nutei Thingpui Dawr leh Ka U Liana film siamtute tho kha an ni.


Amawii Film-ah hian 'Nutei Thingpui dawr' a misualpa VS Laldinpuia kha a inlan leh dawn a, tun tum chu a changtupa ber a ni dawn a ni. film lama vawikhat lanna turin Maneihi Fanai, Feli Ralte leh Lalhmangaihsangi te an rawn inlan ve dawn bawk. Mipui ngaihven Mizo Idol star David Darlong pawh a chang ve dawn a, ani bakah Nutei Thingpui Dawr leh Ka U Liana story ziaktu Aaron Malsawmdawngzuala pawh a rawn inlan ve dawn bawk a ni.



EXPLOREMIZORAM.COM thudawn danin, Amawii film-ah hian 'Ka U Liana' filma zei tak maia misualnu lema chang, nula hmelṭha leh mipa tam tak ngaihzawn Ruthy Chenkual pawh kan hmu leh dawn a. Kantu Express leh Scooty film atanga kan lo hriat, Nu Machhungi pawh a rawn inlan dawn a ni.


'Amawii' hi nikum November thla tawp khan Muthi-ah shooting tan niin December ah Aizawl khaw hmun hrang hrang ah shoot chhunzawm leh a ni bawk a. Kumin January thla tir ah hian shooting an chhunzawm leh a, tunah chuan an zo fel thawkhat tawh, niin he filma inlan tur Aaron Malsawmdawngzuala hnen aṭangin EXPLOREMIZORAM.COM chuan a dawng.

Amawii film OST hi tunlai zaithiam leh hlaphuahthiam hriat hlawh Rpa Ralte in a phuah a ni dawn a, Mizo Idol 2022 T.Vanlalhmangaihi'n a sa dawn bawk a ni.


A film hi thil thleng tak tak behchhana siam niin, zu vanga chhungkaw buaina chungchang niin a tawngtu ngei pawh interview thlapin a phalna thlapa siam a nih thu EXPLOREMIZORAM.COM chuan thu a dawng.

He film-ah hian Mizo fashion designer lar Tluangpuii Hmar leh Youtuber lar Misualpa (Mpa) pawh kan hmu dawn bawk a ni.




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)





Post a Comment

He post chungchanga i ngaihdan lo sawi ve rawh:

Previous Post Next Post