Lalnunmawia Diary bu thum ka chhiar atanga ka rilrua thu lo lût te

- K. Remruatfela_

1. Pu Lalnunmawia diary ngun taka han zir chian hian Mizo Union kaihhruai, Mizo District Council sawrkara eiruk thubuai vanga suspend tâwk, MNF party hotu lu ber ang lo takin zâng khua a la bungbu thei tih rilru pua zalenna kâwra hmang a ni ve lo tih a lang chiang hle.

2. Pu Lalnunmawia hian kum 1969 atang chiah hian Mizo Union Party hruaitu lu - Pu Ch.Saprawnga, Pu Ch. Chhunga, Pu Hrangaia, Ph HK Bawichhuaka, Pu C. Pahlira, Pu Lalbuaia etc. te tarmit a tawm ve ta chiah a tih theih a. Patling lung fing zawkten tharum hmanga India union atanga in lâk chhuah tum hi lung bang sut tlang tum ang niin, kan zoram nuam tak thin kha a tul lova thisen luantirna mai mai a ni an lo tih fo kha a lo dik zia a inhmuchhuak chiang hle a ni a tih loh theih loh!

3. Pu Lalnunmawia diary phek tih han chhiar hian Pathian tih mi leh thinlung leh tih tak zeta ram hmangaihtu a ni tih a lang fiah hle a. Civil mite laka a naute chet danah lungnih loh châng vawi tam tak neiin uchuak leh rawva tih châng pawh a ngah thin hle tih a hriat. Hei hian non-violence duh mi a ni tih a tarlang chiang hle. MNF sipai thenkhatte kha an thin a ramin an lo rawva deuh mah mah thin a ni âwm e tih a rin theih.

4. Mizo Union Party hruaitu ten tharum hmanga independent sual chhuah chi a ni lo tih hrechiangtu ber chu amah Pu Laldenga tho hi a ni an lo tih thin kha MNF party hruaitu zinga mi lehkhathiam leh vengva chin ten an hriat chhuah ve chiah hunah MNF chhungkua kha a buai ve ta nghal tih a lang fiah hle a. Chuta tang chuah chuan Pu Lalnunmawia leh a pawlte hian awmze nei lova ram mut reng ai chuan India sawrkar hnuaia tlûkluha Mizoram tana dinhmun sâng zawk kar chhuah kha an thupui tan a. Chu chu Pu Laldenga rilru tho a nih laiin, a thluak a suk sak tawh, a naute ho tih thinur a hlau si a. Chuvangin, Pu Laldenga khan a officer thenkhat ho kha hnawk a ti tan a ni tih a hriat theih a. A awmzia ber chu zawi zawia a naute (lehkha thiamlo chinte) hmin hret hret a, India sawrkar inbiakrem puia, Pu Ch.Saprawnga dinhmun lo luah thin, Mizo District Council CEM aia sang, State CM nih kha Pu Laldenga hian a lo tum ruh hle a ni tih kan zir chhuah theih phah a ni.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)