Khawlian kum za tlinna lawm

Aizawl | Jan 6, 2023: Khawlian khua in kum za a tlinna 'Khawlian Meimit lo Centenary' lawmna chu January ni 5 leh ni 6 hian hmangin, vawiin khan Chief Minister Pu Zoramthanga chu khuallian niin a hmanpui a. Speaker Pu Lalrinliana Sailo chu khualzahawm a ni.

Chief Minister chuan Khawlian meimit lo a awm Centenary programme a hmanpui thei chu lawmawm tiin, he a lawmna programme buatsaiha remruatna siamtute chu fakawm a ti a. Khawlian khaw din a nih a, pi leh pute hun atanga a lo kal chhoh dan leh khawtlang mi pawimawhte an chawimawi dan chu entawntlak a tih thu a sawi bawk. Chief Minister chuan helai tlangdung hmasawnna chu sawrkarin a ngaih pawimawh thu a sawi a. Daido leh Vawmkawt inkar kawng siamna tur pawh hmasawnna hna thawh tur ruahman zinga ngaih pawimawhah telhin, sawrkar laipuia umzui a nih hnuin cheng vaibelchhe 31 dah a nih tak thu a sawi a. Heng bakah hian kalkawng siam leh hmasawnna ruhrel hmachhawp engemawzat hmar tlang dung tan hian a awm thu a sawi a. Vawiina khawtlang hruaitute'n khawtlang mamawh an thlente pawh a hriatpui thu leh, a remchan anga a lo bawhzuipui zel thu a sawi a ni.




Chief Minister hian "Khawlian Person of the Century" dawngtu Pu Raltawnkima (L) fapa hnenah chawimawina a hlan bawk a ni.




Khualzahawm Pu Lalrinliana Sailo chuan Khawlian Centenary lawmna ropui tak hman a ni thei chu lawmawm a ti a. Khawlian khua chuan history ngaihnawm tak a neih thu te sawi telin, helai tlangdung hmasawnna atana sawrkar pawhin theihtawp a chhuah thu a sawi a. Khua hmasawnna atan khaw hmun nghaktu leh hmun hrang hranga awmte'n mawhphurhna an nei vek a ni. Pu Lalrinliana Sailo chuan khawvel hmasawnna in a ken tel zingah social media tangkaina leh, kawng lehlamah hman sualna kawng hrang hranga khawtlang nuna harsatna a thlen thu sawiin, fimkhur pawimawh a tul thu a sawi tel.



Centenary lawmna inkhawm hi Pu H. Lianzela, Khawlian Centenary Celebration Organising Committee (KCCOC) chuan a kaihruai a. Chief Minister hian Khawlian khawchhunga Centenary Tower sak chu a hawng bawk a. Lawmna inkhawmah hian Centenary Dar Vuak, Centenary Flag Pawhpharh, Balloon 100 chhuahna te neiin, zai leh lam entirin hun hman a ni.

Nimin January ni 5 zan khan Speaker Pu Lalrinliana Sailo chu khuallian niin 'Centenary Urlawk Zan' hman a lo ni tawh a. Vawiin hian Chief Minister ho hian a khuhhawnna hman a ni. Saitual Addl. DC, Phullen BDO leh helai biala sawrkar office hotu pawimawh dangte vawiin hian an tel bawk a ni.



..





(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post