Aizawl-in G20 business meeting thlen tur chungchang AMC Councillor ten sawiho

Aizawl | Jan 20, 2023: G20 Business Meeting kumin March ni 2-a Mizoramin a thlen tur chungchang nimin khan Aizawl Mayor Pu Lalrinenga Sailo kaihhruaiin AMC Councillor ten an sawiho.

Sawihonaah hian Sub-Committee on Overall Coordination on G20 Member Secretary Pu David H. Lalthangliana’n G20 Business Meeting pawimawh dan te, Mizoramin he meeting a thlen tur inpuahchahna lo kalpui tawh dan te leh ruahmanna hrang hrang lo duan chhin dan te, hengah hian AMC thawhpuina leh tawiawmna an mamawh thu te a sawi a. A bikin ram dang mikhual tel tura lo kal ten Mizoram chu state fai tak, state nuam leh mipui hawihawm tak a ni, an tih theih nan an kalna tur hmunhma te fai taka lo enkawl te, bawlhhlawh thlahdah lohte, hawihawm taka lo dawnsawn a pawimawh dawn tih sawiin Local Council te thlengin a pawimawhzia an hriat a ngai a ni, a ti.

Aizawl Mayor Pu Lalrinenga chuan G20 meeting Aizawlin hlawhtling taka a thlen theih nan AMC chuan a tul tul a ti dawn tiin hemi kawnga a buaipuitu, a bikin Home Department leh Sub-Committee hrang hrang te chu AMC finchhuah thin tura hrilhin a tul apiangah amah leh Councillor zawng zawngte chu an inhawn reng thu a sawi a ni.

Puan tawh thin angin Mizoram hian G20 Business Meeting hi March ni 2 khian a thleng dawn a. Aizawl tiamin hmarchhak khawpui hrang hrangah G20 meeting chi hrang hrang tum 14 neih a ni dawn a, hengte hi February leh April thla inkara neih tura ruahman a ni. Assam leh Sikkim tih loh chu hmarchhak state dangte hian tum khat vek G20 meeting hi an thleng dawn a. Assam-in meeting 4 leh Sikkim-in meeting 2 an thleng dawn a ni.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)