Tuikhuah-ah tla hlum

Aizawl | Dec 4, 2022: Vawiin chawhnu herah khan Champhai Bethel, Mualnuam Veng a mi, Pu Lalbiakliana kum 33, Pu Rualkhuma fapa chu Champhai daia Keilungliah tuikhuah ah tlain a boral.

Pu Lalbiakliana chetsual hun chiah leh a chetsual dan hi hriatchian a ni lova, Keilungliah lui khuahna kotlang bul, Tuikhuah thukna lai, feet 45 vel a thukah a chesual niin sawi a ni a, chetsual thu hi hriat anih veleh he tuikhuah enkawlna a mawhphurtu Sorkar official te, Police thuneitute leh mi tlawmngai ṭhahnem tak an pungkhawm nghal a. Champhai Tlangsam leh Tuipui khuaa Tui thiamte chah nghal an niin heng tuithiam te hian vawiin tlaiah khan ruang an zawng nghal a, tuikhuah hi a thuk em avang leh khua a tlai tawh avangin tuithiamte hian an zawng hmu thei rih lo a, vawiin atan chuan an hmalakna hi chawlhsan rih a ni.

Vawiin tlaiah khan Champhai Sub-Hqrs.YMA kaihhruainain Tuitla ruang zawn chhunzawm zel dan tur hi relho nghal a ni a. Zaninah Champhai Vengthar YMA ten a hmunah an thutchilh ang a, naktukah ruang hi zawn chhunzawm leh a ni ang. Thu dawnnain a sawi danin Champhai South bialtu MLA, Law & Judicial Minister Pu TJ.Lalnuntluanga chuan tui thiamte hman tur, tui a luhna tur hmanraw pawimawhte a buaipui nghal niin thu dawn a ni bawk.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)