Aizawl | Dec 19, 2022: Mizo Zirlai Pawl (MZP) General Headquarters chuan vawiin ni 19 December, 2022 khan Bangladesh aṭanga Zofa rawn raltlante a hmunah tlawhin, an dinhmun an enfiah a, ṭanpuina an hlan
Raltlan zingah hian lehkha zir rual, zirlai an ṭhahnem hle a. Kum thara zirna chhunzawmna tur mamawh tur an tam hle a ni.
Bangladesh atanga kan unau raltlante dinhmun a hmun ngeia hmu tur leh ṭanpuina hlan tura Mizo Zirlai Pawl (MZP) General Headquarters Asst. General Secretary Pu Chinkhanmanga Thomte hova kalte chuan nimin khan Chamdur P leh Mautlang-ah raltlante tlawhin ṭanpuina an hlan a. Vawiin hian Vaṭhuampui leh Parva III-ah kal lehin, an inkawm ho a, ṭanpuina hi an hlan.
MZP AGS Pu Chinkhanmanga Thomte chuan, "Mizoram hi Zofate zawng zawng tan inpui a nih avangin, mikhual anga awm lo turin kan duh che u a ni," a ti a. MZP -in Zofate inpumkhatna atana theihtawp a chhuah ṭhin thu a sawi bawk.
MZP Asst. General Secretary rual hian MZP General Headquarters Secretary i/c Publicity H Lalthuthlunga Zate, Secretary i/c Property & Library Golden Lalnunhlima leh Mizoram Bawm Students' Association (MBSA) General Secretary Lalramchhana Bawitlung te an kal a ni.
MZP Gen. Hqrs. Executive Committee Meeting in a lo rel angin, Bawm unau raltlante hi nimin leh vawiin khan a hmunah tlawhin, inkawm hona hun hman a ni a. An harsatna leh an dinhmunte sawiho a ni.
MZP General Headquarters hian ZOFEST 2022 Sialsuka hman zawh takah khan raltlante tan bawm a dawh a, heta pawisa tling khawmte hi an hlan a ni.
Raltlante hi chhungkaw 80 chuang niin, Chamdur P, Mautlang, Parva leh Vaṭhuampui-ah an inbengbel rih a. An harsatnaa buaipui tur hian an awmna hmunah 'Village Level Committee on Bangladesh Asylum Seeker' din vek a ni.
Chamdur P hi in 70 vel niin, Raltlan chhungkaw 14 an awm a, Mautlang hi in 70 vel tho niin, raltlan chhungkaw 10 vel an awm a, Vaṭhuampui hi in 300 vel niin raltlan chhungkaw 23 an awm a, Parva III hi in 60 vel khua niin, raltlan hi chhungkaw 34 vel an awm a ni.
Raltlante hian Damdawi, mutbu, silhfen, silpaulin, tui dahkhawlna, bungbel leh hnathawhna hmanrua te an mamawhna a sang hle a. Ei leh in danglam avanga dam lohna in a tihbuai an awm nual bawk.
Raltlan zingah hian nunau, naupang, zirlai leh tar pawh an awm nual a ni.
__________________
MZP PRESS RELEASE
Vaṭhuampui | Dec 19, 2022
Mizo Zirlai Pawl (MZP) General Headquarters chuan vawiin ni 19 December, 2022 hian Bangladesh aṭanga Zofa rawn raltlante a hmunah tlawhin, an dinhmun a enfiah a, ṭanpuina a hlan.
Bangladesh atanga kan unau raltlante dinhmun a hmun ngeia hmu tur leh ṭanpuina hlan tura Mizo Zirlai Pawl (MZP) General Headquarters Asst. General Secretary Pu Chinkhanmanga Thomte hova kalte chuan nimin khan Chamdur P leh Mautlang-ah raltlante tlawhin ṭanpuina an hlan a. Vawiin hian Vaṭhuampui leh Parva III-ah kal lehin, an inkawm ho a, ṭanpuina hi an hlan.
MZP AGS Pu Chinkhanmanga Thomte chuan, "Mizoram hi Zofate zawng zawng tan inpui a nih avangin, mikhual anga awm lo turin kan duh che u a ni," a ti a. MZP -in Zofate inpumkhatna atana theihtawp a chhuah ṭhin thu a sawi bawk.
MZP Asst. General Secretary rual hian MZP General Headquarters Secretary i/c Publicity H Lalthuthlunga Zate, Secretary i/c Property & Library Golden Lalnunhlima leh Mizoram Bawm Students' Association (MBSA) General Secretary Lalramchhana Bawitlung te an kal a ni.
MZP Gen. Hqrs. Executive Committee Meeting in a lo rel angin, Bawm unau raltlante hi nimin leh vawiin khan a hmunah tlawhin, inkawm hona hun hman a ni a. An harsatna leh an dinhmunte sawiho a ni.
MZP General Headquarters hian ZOFEST 2022 Sialsuka hman zawh takah khan raltlante tan bawm a dawh a, heta pawisa tling khawmte hi an hlan a ni.
Raltlante hi Chamdur P, Mautlang, Parva leh Vaṭhuampui-ah an inbengbel rih a. An harsatnaa buaipui tur hian an awmna hmunah 'Village Level Committee on Bangladesh Asylum Seeker' din vek a ni.
Chamdur P hi in 70 vel niin, Raltlan chhungkaw 14 an awm a, Mautlang hi in 70 vel tho niin, raltlan chhungkaw 10 vel an awm a, Vaṭhuampui hi in 300 vel niin raltlan chhungkaw 23 an awm a, Parva III hi in 60 vel khua niin, raltlan hi chhungkaw 34 vel an awm a ni.
Raltlante hian Damdawi, mutbu, silhfen, silpaulin, tui dahkhawlna, bungbel leh hnathawhna hmanrua te an mamawhna a sang hle a. Ei leh in danglam avanga dam lohna in a tihbuai an awm nual bawk.
Raltlan zingah hian nunau, naupang leh zirlai an awm nual a, tar pawh an awm nual a ni.
Sd/-
(H. LALTHUTHLUNA ZATE)
Secy. i/c Publicity
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: