KRISMAS HIAN HMANGAIHNA UAR TAKIN A TILANG*

 _Ngaihven ru, Chanchin Tha ber chu_

— Rick Warren 

— Dec 20, 2022


“Ni tinin Pathianin a hmangaihna ka chungah a tilang” Sam 42:8

Tui ren hi a ngai tih chu ka hria a. Mahse inbual nan erawh chuan showerhead hi ka hmang lo thei lo a ni. Tui chu ren deuh tak chuan kan hmang tho mai. A rawn far keuh keuh ang a ni.

Mahse ka showerhead ang lo takin, Pathian hmangaihna chu a uikawm ve lo. A fartir keuh keuh ve lova. Mi tin chungah ui lovin a leih bua a ni. 

Bible chuan, “Ni tinin Pathianin a hmangaihna ka chungah a tilang” a ti. Sam 42:8

Pathianin a thil siamte tumah hmangaih loh a nei lo.

I nun kawng engkimah khan a ngaihsak che a. Hmangaihna hi inngaihsakna a ni. Mi dang thil pawimawhah i ngaihsakna i lantir hian, hmangaihna i lantir a ni.

Pathianin i mittui far zawng zawng kha a hmu vek a. I nui ri zawng zawng pawh a hre vek a. I samzai zawng zawng pawh a hria a, samzai pakhat te tla emaw samtuak te pawh a hre vek a ni.

Bible chuan, “Pathianin ka ke pen tin a hria” a ti (Joba 23:10 GNT). I ke pen a hria a, a ngaihsak che a ni.  

Pathian hi buai lutukin a awm ngai lova; a theihnghilh ngai lovang che. Bible chuan, “Hmeichhiain a fapa, a rila rah chu, khawngaihlohna turin a nau a hnute hne lai chu a theihnghilh thei em ni? … En teh, ka kutphahahte hian ka ziak che hi; i kulh bangte chu ka hmaah a awm reng fo a ni” (Isaia 49:15-16). Krawsa Isua thihnaa a ser te kha Pathianin a chhinchhiahna che a ni.

Theihnghilh niin i inhre mai thei, mahse Pathianin ngaihsak loh lai che a nei lo. 

A ngaihsak che avanga hmangaih chauh niin i inhre mai thei, chu chang a ni lo, nangmah chhandam tur chein bul a rawn tan bawk a ni. 

Hmangaihna hi chu thu chauh a ni lova; mi dang aiawha thiltihna hi a ni. Mi dang harsatna chu i harsatnaa chantir kha a ni – chu tak mai chu Krismas a Pathian thiltih a ni.  

Krismas a Isua lo kal Krawsa thi tur a hi hmangaihna entirna ropui ber a ni. Luka 2:11 ah chuan, “Vawiinah hian in tan Davida khuaah Chhandamtu a piang ta, Lal Krista chu (NCV)” a ti.

Isua he Leia a lo kal khan, Pathian chuan a hmangaihna mak takin a rawn lantir a. “Ka hmu che a, i harsatna zawng zawng te chu ka harsatnaah ka chantir tawh dawn a. Mihring dik taka nung turin ka fa mal neihchhun ka rawn tira, kha tah khan a thi bawk ang. Chuti khawp chuan ka hmangaih che a ni” a ti ni mai hian ka hria.

Krismasah Pathianin engmah dah that a nei tawh lo. Isua kaltlangin, a hmangaihna chu mi zawng zawng chungah a leihbua a ni.

Ngaihtuah zui atan

* In Krismas hman ṭhin danah engtin nge Pathian hmangaihna in tih lan? Kumin Krismasah hian engtin nge Pathian hmangaihna chu i lantir zual theih ang?

* Theihnghilh nia i inhriat hnu hian Pathian hmangaihna chu i hriat reng theih nan eng nge i tih theih ?

* Pathianin i ke pen tin hi a ngaihsak tih i hriat chuan i thla a ti muang sawt em? Eng nge a chhan, eng vang nge?

*[Lettu: Sangpuia]*

Post a Comment

He post chungchanga i ngaihdan lo sawi ve rawh:

Previous Post Next Post