Mizoram Combined Competitive Exam 2022 Topper - KC Zalena

Mizoram Combined Competitive Exam 2022 Topper -KC Zalena, MCS kan belchiang.

KC Zalena hi 'KC' tia koh ṭhin niin, KC Lalduhsanga leh NT Tluaki  te fapa niin, March 25, 1993 khan a piang a.

KC-a hi Chhaolo khua Siaha District lam mi niin, Zonuam, Aizawl-ah an cheng mek a ni.

KCa te hi unau pali niin, mipa 2 leh hmeichhe 2 an ni a. Kohhran lamah chuan Evangelical Church of Maraland (ECM) a lawi an ni.

KC-a hi tunah hian SDC-in Aizawl-ah a awm mek a ni.

📌 Zirna lam:

- Pawl 10 leh 12 Home Missions School, Aizawl atangin kum 2009 leh 2011-ah ka pass a. B.Tech Computer Engineering hi Delhi Technological University (DTU) atangin kum 2017 khan ka zo.

📌 I lehkha zir dan?

~ Nitin darker 7 -8 ka zir tlangpui thin.

📌 harsatna I hmachhawn dan?

~ Tawngtai leh chhunglehkhat leh thian tha te fuihna in ka hmachhawn thin 

📌 I duhzawng leh ngainat zawng hrang hrangte?

• Lehkhabu duh: Shutter Island by Dennis Lehane.

• Actor: Jack Hughman

Actress: Kate Winslet.

• Zaithiam: Don Williams

• Chawhmeh: Vawksa

• Hla: Seven Spanish Angels by Ray Charles and Willie Nelson

• Hmun: Delhi

• Ziaktu: CS Lewis

• Ram hruaitu: BR Ambedkar

📌 Mize ngainat zawng:

~ Polite leh reasonable.

📌 Mize ngainat loh zawng:

~ Mi chanchin a buai lutuk.

📌 Relationship status:

~ Single

📌 Kawppui atan duhzawng:

~ Pathian tih leh rilru tluang

📌 Hobby:

~ Chess khelh leh inkhel en 

📌 MPSC MCS topper nih hi i inring reng em? Nih tumin i inbuatsaih em?

~ Tling inrinna chu a awm , mahse pakhatna nih erawh ka ngaihtuah lemlo. Tlin ngei tumin leh rank tha neih tumin ka inbuatsaih.

📌 MPSC exam atana i inbuatsaih dan?

~  MPSC tur hian a hrangin ka inbuatsaih lem lova, UPSC tur zawk hian ka inbuatsaih deuh ber. Mahse exam dawn hnaih chuan MPSC a pawimawh thei tur leh question chhuah thin dan angin ka inbuatsaih thung.

📌 MCS i ni a, Mizoram tan engtiang a thawh nge i tum a? Tum leh beiseina emaw hmachhawp te (i neih chuan.)?

~ Tun dinhmun ah chuan kan koa tla engpawh tha taka thawh ka tum a. Chuan hmachhawp ah chuan kum 2 -3 vel hi UPSC tura la inbuatsaih ka tum.

📌 MCS i tlinna atana i chhungte pawimawhna:

~ Anmahni vang chauha hetiang dinhmun thleng thei ka ni. Beidawng lo tura min fuihtu ber pawh ka chhungte.

📌 I nunah miin entawn se i tih:

~Thiltih tawh chu a tha thei ang bera tih.

📌 I duhthusam a tak chang dawn se, tualzal nun leh economy ah hian eng ang inthlak danglamna nge hmuh i chak?

~ Tualzal nunah chuan kan thiltih na apiangah tumruhna leh teireipeihna neih a pawimawh ka ti a. Economy bikah chuan industry hna tam tak siam thei kan mamawh.

📌 Kan ramah unemployment a nasa kan ti a, a bik takin educated unemployed kan tam chho hle tawh a, engti anga hmalâk chi nge nia i hriat?

~ A chung ka sawi ang khian, industry leh entrepreneurship lam kan ngaipawimawh a ngai. Sorkar hna ringawt chuan min daih seng dawn lo.

📌 Mizo thalaite zingah entrepreneurship kan buaipui nasa chho ve zel a, sawrkar hian hma a la tha tawkin i hria em? (I duh khawp loh pakhat tal i tarlan theih chuan)

~ Duhkhawp lohna pakhat chu loan lak a harsa lutuk leh interest sang lutuk hi. Sorkar hian entrepreneurs beiseiawm deuh chu hei ai hian incentives tha zawk siamsak thei se a tha viau ang. Anmahni piah lamah hna tam tak thalaite tan an siam thei dawn a.

Zawhna dang:::

1. A tel lova i awm theih loh:

~ Phone

2. I nun kaihruaitu:

~ Bible

3. Hringnuna i hlauh ber:

~ Hmachhawp engmah neihloh

4. I tih ngai miah loh tur:

~ Mi hmuhsit.

5. Mizo Tualzal nuna ṭha i tih:

~ Tlawmngaihna

6.  Quote i duh ber:

~ Thawhrimna leh vanneihna intawn fuh hun ah hlawhtlinna a awm.

7. Hnam hmingṭhat leh hmingchhiat kawngah Mipate mawhphurhna:

~ Mipa te kan thiltihnaah tumruhna leh chhelna nena kan tih chuan hnam entawntlak kan lo ni anga, chu chuan hman hmingthatna a siam ang.

8. Hnam ziarang chawinun kawnga Mipate mawhphurna:

~ Mawhphurna a sang khawp mai. Kan hnam ziarang thate hi uar thar ila. Tunlaiah globalization avangin hnamdang ziarang kan la nasa a, thil tha lo tamtak kan la tel bawk sia. Chuvangin, inzirtirna leh awareness te pawh kalpui tam lehzual angai, a bik takin mahni chhungkua ah.

9. Mizote tan 'Fa neih tlem' inzirtir hi a ṭulin i hria em?

~ Tul lem lo, kan la tlem em mai.

10. Mizo hnam ṭhanmawh bawk nia i hriat?

~ Kan hnam thanmawh bawk pakhat chu kan teirei peih lo lutuk hi a ni in ka hria. Thil kan ti a, a hlawhtlinna kan hmu nghal lo anih chuan kan beidawng mai thin. He rilru puthmang hian hlawk thut duhna leh duhamna a hring tel bawk.

11. Mizo hnam damna atana  kawng awm nia i hriatte?

~ Kan thil ngaihhlut zawng (value system) hi kan thlak angai. Taimakna leh dikna te, tumruhna leh teireipeihna te naupang rilru ah kan tuh a ngai.

12. Hnam chhan nana Mipate ṭangkaina leh mawhphurna?

~ Kan Mizo society ah chuan mipa te hi a bul tantu leh hruaitu a ngaih kan nih avangin kan hnam himna tur chuan a hmalatu ah leh a zirtirtu ah kan tan a pawimawh khawp mai. Chutiang ti tur chuan entawntlak a kan nun a ngai a ni.

13. Zirna, Khawtlang leh Kohhran hi?

~ Zirlai ni chuan a kul a tai a, khawtlang leh kohhran a inhman a rem lo.

14. Khawtlang, Kohhran leh nangmah:

~ Keipawh ka inbuatsaih lai hian ka inhmang lo khawp mai.

15. Social Media leh Nangmah:

~ Social Media hi exam inbuatsaih lain ka hmang lo.

16. Mizoram ṭhalai tam tak tlakchham:

~ Tumruhna leh chhelna.

17. Mizo ṭhalaite hian ngaihsan tur dik an ngaisangin i hria em?

~ A tam zawk hi chuan ngaihsan tur dik an ngaisang lo niin a lang. 

18. Ngaihsan tur dik nia i hriat:

~ Thawhhreh neilo leh mahni dinhmun leh nihna hrechhiang. Thiltihna ah tumruhna leh chhelna neia bei fan fan thin te hi ngaihsan tur dik niin ka hria.

19. Hlawhtlinna tura pawimawh:

~ Taimakna leh teireipeihna

20. hloh i hlauh ber:

~ Midang ngaihnathiamna (empathy)

21. Hnam dang nupui pasal neih hi-

~ Fimkhur a tha. Nakinah buaina a tam duh. An fa ten kawng hrang hrang ah an tuar bawk.

22. Nupui pasal inneih hmaa mipat hmeichhiatna hman hi?

~ Hmanloh a tha ber.

23. Hlawhtlinna hi?

~ A thlirtu a zir a ni. Hlawhtlinna pakhat kan chang a, hmachhawp dang a awm leh zel.

Zofate inpumkhatna  hi a thlen theih i ring em? Thleng thei turin engnge pawimawh nia i hriat?

- Thlen theih ka ring. A hma ngaihtuah chuan hma pawh kan sawn viau tawhin ka hriat. Inpumkhatna a pawimawh ber chu kan danglamna inpawmtawn (acceptance) a ngai.

MZP in ZOFEST a buatsaih ṭhin hian Zofate inunauna kawngah a thawhhlawkin i hria em?

- Aw, thawhhlawk viau in ka hria. Hetiang program hian inunauna piah lamah inhriatthiamtawna a thlen a ni.

I thalaipuite tan fuihna--- Kan thiltih leh kawng zawhna hrang hrang ah rinawm tak leh taima takin ti ila, hlawhtlinna kan chang nghal mai lo anih paw’n beidawng mai lova bei fan fan turin ka fuih duh a ni. 

EXPLOREMIZORAM.COM i hmuh dan:

~ Mizo ah chuan website changtlung ber pawl in niin ka hria. Chumai ni lovin news leh content hrim hrim pawh in update rang viau in ka hria. Hei hi chhunzawm zel turin leh hei aia changtlung zawk leh tha zawk a ti turin  duhsakna sang ber ka hlan nghal che u.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)