Aizawl | Dec 14, 2022: Bilkhawthlir kuhva chingtute chaan vawiin dar 11 aṭang khan Burma Kuhva ro tawlhruk dang turin hnatlang an ko!
Bilkhawthlir Chemphai peng leh Buhchang pengah gate siam a duty an tum a, vawiin hian duty pahin a tul angte buatsaihin an hnatlang a. Hemi rual hian Bilkhawthlir ram chhunga kudam awmte pawh an enfiah nghal dawn a ni.
Bilkhawthlir Kuhva Chingtu Society chuan sawmna siamin, "Vawiin ni 14th.12.2022 chawhma dar 11:00 aṭang hian Bilkhawthlira Kuhva Chingtu Society chuan kuhva huan nei zawng zawng te tan hnatlangpui a ko a,rim tak a kum tam tak chhung kan thawhrah kuhva huan alo puitling a, chutih laiin mihlemhle Burma Kuhva ro Smuggler ten sorkar dan bawhchhia a,kan kuhva hralhna kawngah harsatna lian tak min siam vangin heng danlo a sumdawng smuggler ten kan area a paltlang theih loh nan leh dangchat turin chhun zan zawm a duty a lo ngai ta ani." tiin an sawi.
Hemi chungchangah hian an pawl thuchhuah chuan, "Burma kuhva rawn lut nasa avang hian Assam lam chuan kan khaw chhung a thar ngei kuhva hring pawh kaltlang tir an phal lo a, kan kuhva lei tawhte pawhin an kuhva leite phai lamah an keng thla thei lo a, hei vang hian kuhva la hralh lote pawhin hralhna kawngah harsatna an tawk mek a ni." tiin a tarlang bawk.
"Burma kuhva ro hi kan dangchat lo a nih chuan kum a lo thar anga, kan kuhva thar min leisaktu phailam ami te hian min dawr ngam dawn tawh lo tih hi kan hriat tel a ngai a ni," tiin Bilkhawthlir Kuhva Chingtu Society chuan an tarlang a.
SAWMNA
BILKHAWTHLIR KUHVA CHINGTU SOCIETY HNATLANGPUI
Vawiin ni 14th.12.2022 chawhma dar 11:00 aṭang hian Bilkhawthlira Kuhva Chingtu Society chuan kuhva huan nei zawng zawng te tan hnatlangpui a ko a, rim tak a kum tam tak chhung kan thawhrah kuhva huan alo puitling a,chutih laiin mihlemhle Burma Kuhva ro Smuggler ten sorkar dan bawhchhia a,kan kuhva hralhna kawngah harsatna lian tak min siam vangin heng danlo a sumdawng smuggler ten kan area a paltlang theihloh nan leh dangchat turin chhunzan zawm a duty alo ngai ta ani.
Tar lan tawh thin angin Burma kuhva rawn lut nasa avang hian Assam lam chuan kan khaw chhung a thar ngei kuhva hring pawh kaltlang tir an phal lo a, kan kuhva lei tawhte pawhin an kuhva leite phai lamah an keng thla thei lo a, hei vang hian kuhva la hralh lote pawhin hralhna kawngah harsatna an tawk mek a ni.
Hei mai hi a ni dawn lo,burma kuhva ro hi kan dangchat lo anih chuan kum alo thar anga,kan kuhva thar min leisaktu phailam ami te hian min dawr ngam dawn tawh lo tih hi kan hriat tel angai ani.
Khaw chhung hmun hnih, Chemphai peng leh Buhchang pengah gate siam a duty tum a ni, vawiin hian duty pahin a tul angte buatsaihin hnatlang tur ani a.Hemi rual hian Bilkhawthlir ram chhunga kudam awmte pawh enfiah nghal dawn a ni dawn ani.
Rimtak a kan thawhrah kan khawtlang eibel kan kuhva thar hralhna kawng tihnawktu thian fai tur hian nang leh kei hian tih theih kan nei asin,thosi leh vaihmite karah nitla vanvuai a kan thawhrimna hi Pathian in a hria,heng danlo a sumdawng Burma kuhva ro leh a kar a ruihhlo zep ṭhin smuggler te hneh tur hian kan lamah kan Pathian hi aṭang dawn tih hi i ringhlel lo ang u.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: