Ticker

10/recent/ticker-posts

Zofa Lelte Top 10 hriat ta; Nov 11-ah a hmawr bawk dawn!

Aizawl | Nov 4, 2022: Zoram Thar Zofate Lairelna Inpui buatsaih Zofa Lelte, Zo hnahthlak zawng zawngte huapzo Inzaisiakna chu a hmawr bawk a ni dawn ta a, Nov 11 zan hian Vaivakawn Auditorium-ah a hmawr bawk a ni ang.


Nizan khan a tha zual 30 atangin mi 10 thlanchhuahte puan a ni a. Heng top 10 te hian Nov 9 leh Nov 10 zan hian intihsiakna an hmachhawn keh ang a, Nov 11 zanah Zofa Lelte a tawp kharna leh result puan a ni ang.


Top 10 intihsiakna hi final a ni nghal dawn a, vaivakawn Auditorium-ah neih tur niin, zan khatnaah hian Top 10-te hian anmahni hla duh zawng an sa ang a, a zan hnihnaah hian hla inangin intihsiakna an hmachhawn dawn a ni. 


Zaithiam 30 thlanchhuahte chuan Vaivakawn Auditorium-ah  November 2-3, chhung khan inelna an hmachhawn a. Zan khatna ah mi 15 an zai a, Endiktute ah hian mi thar pahnih - RC Bohia leh Ian Len Sung te hman belh an ni. 


Nizan khan inelna hmachhawn chhunzawm zel tur 10 thlanchhuahte puanzar an nia, chung zaithiam thlanchhuahte chu:
1. Top 10
1. H. Lalmalsawma, Farm Veng, Lunglei, Mizoram. 
2. Sonia Lamngaichin, Dumlian, Churachandpur, Manipur
3. Elizabeth Vanneihkimi Darlong, New Lamkhuang, Tripura
4. Rochanhlua, Sangau, Mizoram. 
5. Lalhmingmawii, Luangmual, Aizawl, Mizoram. 
6. J. Lalditsak Hmar, Muoldam, Assam.
7. Zenngaihsang, New Lamka, Manipur
8. Simon Lalpekkima Pachuau, Dârngawn Veng, Khawzawl, Mizoram 
9. Angeli Lalruatpuii, Chhingchhip, Mizoram 
10. Mari S. Beilyki, Meisavaih, Siaha, Mizoram . 


Rev Dr Zaichhawna Hlawndo chuan, "Zofa Lelte Inzaisiakna a telte hnenah lawmthu sawiin-Zofate Krista tana kan Inpumkhatna atana missionary vek in ni a, Inelnatawp (Final) thleng pha lo pawh in hlawhtling vek a ni, "a ti.


Sawi zelin, "Zofa Lelte Inzaisiakna hi zaithiam zawnna a ni mai lova, Thlarau lam thil Zofate kum tam tak thendarha awmte Insuihkhawm lehna hmanraw pawimawh tak a ni," a ti bawk.



(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments