GOLD MEDALIST | MZU Bachelor of Technology in Information Technology Gold Medalist 2022 Rochamliana

MZU Bachelor of Technology in Information Technology Gold Medalist 2022 Rochamliana kan belchiang.


MZU hnuaia Bachelor of Technology in Information Technology-a CGPA 8.55 hmua Gold Medalist 2022 Rochamliana, 'Chama' tia koh thin hi K Lalrotluanga leh  Liandingpuii te fapa niin, August 17, 1999 khan a lo piang a. Unau pathum zinga naupang ber a ni a, u mipa pakhat leh hmeichhe pakhat a nei.

Chama te hi Field Veng, Thenzawl khua niin, Thakthing Veng, Aizawl-ah an cheng mek a, Presbyterian Kohhran a lawi an ni.



Chama'n EXPLORE MIZORAM zawhna a chhannate:
📌 Zirna lam:
~ Pawl 10 leh 12 hi Synod Higher Secondary School, Aizawl atangin 2016 leh 2018 khan ka pass a, Bachelor of Technology (Information Technology) hi Mizoram University-ah 2018 atang khan zir tanin, Kuminah ka zo a ni.


📌 I lehkha zir dan?
~ Class room lecture atangin a pawimawh lai ka note a, ka chhiar zau zui thin.


📌 Harsatna i hmachhawn dan?
Pathian hnenah ka thlen a, min pui mai thin. Midang bulah ka harsatna ka thlen vak ngai lem lo.


📌 Gold medalist i nihna (Subject) leh CGPA?
~ Bachelor of Technology in Information Technology, CGPA - 8.55


📌 Gold medalist ni tura i beih dan?
Ka theih ang tawka thain ka zir a, assignments leh project te ka theih ang tawka thaa tiin ka tlai ngailo. Class tha takin ka kal a, class lecture atanga pawimawh an sawi chhianchhiahin ka dah tha a, classroomah chuan a hriat kim hman thin lo a, thiam ngei turin Youtube ah lecture dang te ka ngaithla zui thin.


📌 Gold medalist ni tura i beihnaah faculty lamin an ṭawiawm/pui ṭha chein i hria em?
~ Aw pui tha e. Fuihna tam tak kan dawng a, kan harsatna te thleng min zawt a, an office lecture neih changte pawh kan nei thin.


📌 I zirna atana i chhungte pawimawhna:
~ Anni tello chuan tun dinhmun hi thleng lo ang, kawng engkimah min pui tha em em a. Lehkha zir ka ngaih chuan min awl thiam a, hahdam takin lehkha ka zir theih phah thin.


📌 I zirna atana i ṭhiante pawimawhna:
 Anni pawh hi mi dang ang bawkin an pawimawh. Hlimna tam tak min thlentu te an ni a, kan thiam loh te inzirtirin ka classmate leh kan inzawt buai tawn nasa thei hle a ni.


📌 I duhzawng leh ngainat zawngte:
• Rawng - a dum
• Chawhmeh  - sa lampang
• Incheina - simple
• Rimawiguitar, keyboard
• Mizo Ziaktu zingah - Lalhruaitluanga Chawngte
• Hla - You say- Lauren Daigle
• Hla phuahtu - Lallianmawia Pachuau
• Teacher - Sir Morrel VL Nunsanga (MZU)
• Leader - Vladimir Putin


📌 Mize ngainat zawng:
~ Mi ingaitlawm, rilru zau leh zaidam


📌 Mize ngai nat loh zawng:
~ chapo


📌 Hobby:
computer leh a kaihhnawih khawih/siam


📌 Relationship status - unmarried


📌 Kawppui atan duhzawng:
~  mi rinawm, kawng engkima min support emem tu, beidawn chang pawha bawidawng lo tura min fuihtu.


Zawhna dang:::
1. A tel lova i awm theih loh:
Ka phone leh chhungte


2. I nun kaihruaitu:
ka chhungte innghahna tur ka la ni dawn


3. Hringnuna i hlauh ber:
Mahni kea din theihloh


4. I tih ngai miah loh tur:
midang hnuaichhiah leh drugs


5. Mizo Tualzal nuna ṭha i tih:
midang tana tha kan duhna, tlawmngaihna


6.  Quote i duh ber:
"I can do all things through Christ who strengthens me." Philippians 4:13


7. Mizote tan 'Fa neih tlem' inzirtir hi a ṭulin i hria em?
 Hrelo, hna tlem te kan ni a, a tlem tur ang zawnga inzir chi niin ka inhre lo.


8. Mizo hnam ṭhanmawh bawk nia i hriat?
Midang nuna kan buai lutuk hi, mahni inen hmasa loa midang thatlohna leh tlinlohna hmuh tlat te hian keimahniah hmasawnna a awm ngailo. Midang an tha zawk tih hriaa an levela awm ve tura beih kan ngai zawk. Mi hlawhtlinna chan laia fuihphurtu niloa a sawisel zawnga mi am awm thin te hi a mak ka ti.


9. Mizo hnam damna atana  kawng awm nia i hriatte?
A chhunga chengte hian in hmangaih tawn taka kan chen a, midang huphurh loa mitin thatna tur kan duh zawk theuh a, mahni len vak a themawmpa tet bik te mi tinin kan duhloh hunah kan ram hi chu a dam ngei ka ring.


10. Zirna, Khawtlang leh Kohhran hi?
Kalkawp dan chintawkin hriat ngaiin ka hria, a mawi tawk leh a nuam tawk, kan zirlaite min tibuai lo tawka inhman thiam a pawimawh hle.


11. Khawtlang, Kohhran leh nangmah:
Chawlh lai leh eng emaw deuhah lo hi chuan khawtlang leh kohhranah ka inhmang vak lemlo, ka hman lai leh chawlh laiah erawh chuan a tam thei ang ber chuan ka tel a, zirna kan tan leh hnuah ka reh leh deuh mai zel. Inhman lutuk chuan lehkha zirna hun tha a awm hman meuhlo

12. Social Media leh Nangmah:
ka hmang nasa ve viau a, a chang phei chuan ka khawih tlem nan ka account te ka deactivate mai thin.


13. Mizoram ṭhalai tam tak tlakchham: 
~ Kawng enkimah mizo te hi a tha pawl kan ni thei zel mai a, tih takzetna leh tumruhna kan tlakchham vang hian kan nih tur ang kan ni phalo a ni maithei


14. Ngaihsan tur dik nia i hriat:
Kan ngaihsan te hi chu ngaihsan tlakloh vak hi an awm lo, nimahsela khami dinhmun thleng tura an beihna hmuh kana an hlawhtlin hnu anga awm kan tum mai thin hi kan idol te kan ngaihsan dan chi thar kan mamawh. Athlete, arstist, musician,etc engpawh nise an thawhrimna, an tumruhna, an beidawn duhlohna hi hmu lian ber ang u.


15. Hlawhtlinna tura pawimawh:
Hlawhtling tura bei lai vek kan ni a, hlawhtlinna kan teh dan pawh a inangin ka ringlo. A pawimawh berah chuan beidawng loa beih te, tih fan fan peihna te, mi hre zawkte hnen atanga thu tha leh fuihna lak te hi a pawimawhin ka hria


16. hloh i hlauh ber:
ka chhungkua te

17. Hnam dang nupui pasal neih hi:
~ mahni hnam pui ngei neih hi tha ka ti a, mahse hnam dang neite pawh ka sawisel emem lo. Kei erawh chuan ka mizo pui ngei neih ka tum.


18. Nupui pasal inneih hmaa mipat hmeichhiatna hman hi?
Tih loh tawp turah ka ngai.


24. Hlawhtlinna hi?
Hlawhtlinna hi hna sang leh zahawm tak han thawh ringawt hi a ni ka tilo a. Mi tu pawhin a duh tak ti a, hlim tak leh nuam ti taka a awm a, nun thawveng leh rilru nuam taka hna a thawh hian hlawhtlinna dik ka ti zawk.


I thalaipuite tan fuihna--- 
Kan tumah chiang ila, chumi tur chuan harsatna karah pawh beidawng mai lovin hlawhtlinna chang ngei turin bei ang u.


EXPLOREMIZORAM.COM i hmuh dan: 
- a tha hle.





(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post