PRAISE ON 2022 - Zaninah final round zan hnihna

Aizawl | Nov 17, 2022: Praise on 2022 hmawr bawk hun a hnai zel a, zaninah final round zan hnihna neih a ni leh dawn.

Top 10 te hian November ni 8,2022 khan final round zan khatna an lo hmachhawn tawh a, a zan hnihna chu zanin dar 7:30-ah neih leh a ni dawn a ni. 


Final round zan hnihna atan hian top 10 te chu ngawrh takin an inbuatsaih a, hla sak tur bik thlan sak an ni lo a, an duh ber hla sa in intihsiakna an hmachhawn ang.

Intihsiakna bul tanna lamah thawm reh viau mah se intihsiakna stage a san chhoh ang zelin ngaihven a hlawh chho tawh hle a, final round zan khatnaah khan a hmuna entu leh TV leh youtube lama live stream en tu pawh an thahnem hle.

Final round hi Mission Vengthlang Kohhran-in an thleng a, show chu Golden Jubilee Hall-ah neih thin a ni a; zaninah pawh a hmuna chhim tu leh TV lama entu an thathnem leh viau beisei a ni a; Hruaina Eng channel leh Synfo youtube channel-ah te live-a pek chhuah leh a ni ang.

Synfo leh Central thawk dun buatsaih Branch KTP mal zai intihsiakna Praise on 2022-a pakhatna hian Rs. 1,00,000 a dawng anga, pahnihna in Rs. 50,000, pathumna in Rs. 30,000 leh a bak mi 7 te'n Consolation Prize Rs. 7,000 theuh an dawng dawn a ni.




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post