Ticker

10/recent/ticker-posts

PATHIAN ROPUINAIN HLAUHNA A TI BO

 Nun duhawm zawk nei tura inbuatsaih dan

— Rick Warren 

— November 9, 2022


“Ani chuan an hnenah, "Rin tlemte u, engahnge in hlauh?" a ti a. Chu mi hnuah chuan a tho va, thlite leh dil chu a hau va; tin, a lo reh ta thuap mai a. Tin, mite chuan mak an ti hle a, "He mi hi mi eng nge a nih, thli leh dil lam pawhin a thu an awi hi?" an ti a.” Matthaia 8:26-27.

A chang chuan i thunun theih piahlam thil i tawng ṭhin a, chung hunah chuan Pathian ropuina thlir zawk ṭhin ang che. Chu chu Pathian chibai bukna a ni a, hringnuna thli chhiain a lo chhem chang che a doletna ṭha tak a ni.

I nunah thlipui a lo tleh a — i hriselna a lo tlahniam a, i kawppuiin a rinawmlohsan chein— duhthlanna siam ngai khawpin i awm a. I lungawilo dawn em? Nge Pathian i fak zawk dawn?

Thuthlung Tharah entawn tur ṭha tak mai kan hmu a. Galili dilah Isua chu zirtirte nen lawngah an chuang a. Galili dil chu — dil zau tak mai, thli pawh vawi leh khatah a lo thawk thut ṭhin a. Isua ho va an chuan lai chuan thli chu a lo thawk ta phut reng a ni.

Matthaia 8:24-25 chuan, “Dil chu nasa takin a lo fawn ta a, chutichuan tui fawnin lawng chu a vur hlup hlup mai a, ani erawh chu a muhil a. Tin, a hnenah an lo kal a, an kaitho va, Lalpa, min chhanhim rawh, kan boral dawn hi le an ti a!” 

Lawng chu a intheh nasa hle a, mahse Isua chu a muhil si a. Thlamuang takin a awm a, a lungngai lo a ni. Mahse zirtirte chu an chi-ai tawh hle mai a.

Isuan an hnenah, "Rin tlemte u, engahnge in hlauh?" a ti a. Chu mi hnuah chuan a tho va, thlite leh dil chu a hau va; tin, a lo reh ta thuap mai a. Tin, mite chuan mak an ti hle a, "He mi hi mi engnge a nih, thli leh dil lam pawhin a thu an awi hi?" an ti a.’” Matthaia 8:26-27.

Chu thil thleng chu Isua zirtirten mak an ti hle a. Hun reilote chhung chu Isua kha tunge a nih an theihnghilh hman a. Khuarel thil leh zelah pawh a thiltihtheihna a lantir thei kha, hlauhna an neih zawng zawngte a bo vek a Pathian ropuizia an hriat phah ta a ni. An thil tawn khan Pathian a faktir lo thei lo zawk a ni.

Pathian fak hi hringnun lawnga kan chuan pawha nunkawng dik Isua lama kan hawina tur kawng dik a ni. Thlipui chuan a nam sawk sawk thei chein tuipuia tlak hlauhawm khawpin a siam thei che a. Chung ai chuan thli na tak, manganna leh thawpikna thlentu chuan Pathian lam hawitir chein, ama lamah i lawng chu kaltir zawk che rawh se.L

He hringnunah hian eng thil te nge i hlauh? Eng pawh ni rawh se, Isua nen lawngah in chuang a nih chuan, in nghing ngai lo vang. Lei lung leh a chhunga awm zawng zawng chungah pawh thu a nei si a.

Ngaihtuah zui atan

* I nunah thlipuiin engtin nge Pathian lam a hawitir che? Engtik lai khan nge thlipui chuan Pathian ata a hawisantir che?

* Pathianin khuarel chungah pawh thu a neihzia a lantirna han sawi teh. Engtin nge i awm?

* Isua avanga thilmak i tawnna kha engtik nge? Eng thilah nge ni?

*Vawiin hian Isua i zui dawn em?*

Bible chuan, “Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan.” (Johana 3:16).

Pathian thutiam a hlawhtlin theih nan amah i ring em? “Lalpa duh tak, ka sualnate ka puang a, ka Lalpa leh Chhandamtu atan Isua hi ka pawm e. Isu, i hnung zuia, i rawngbawl ka duh e. Ka nun tlawm tak hi ka hlan che a, i ang chhunga min pawma min chhandam ve turin ka dil a che. Amen”

Hetianga i ṭawngṭai a nih chuan, Rick@PastorRick.com ah hian email min lo thawn la. Isua nena zinkawng i zawh ṭanna atana pawimawh te a thlawnin ka lo thawn ang che.

*[Lettu: Sangpuia]*

Post i hmuh dan

Post a Comment

0 Comments