P&E Minister-in P&E Engineering Officers’ Association Annual General Conference hmanpui

Aizawl | Nov 22, 2022: Vawiin khan Power & Electricity enkawltu Minister Pu R. Lalzirliana’n P&E Department hnathawkte pawl – P&E Engineering Officers’ Association Annual General Conference, Aijal Club-a buatsaih chu khuallian niin a hmanpui.

Power & Electricity Minister Pu R Lalzirliana chuan Power & Electricity Engineering Officers Association (PEOA) chu Association inlungrual leh chak tak, ram hmasawnna atana thil pawimawh berte zinga mi “kawlphetha” siamchhuah, lakluh leh enkawl kawnga mawhphurtu intawhkhawm (annual Conference) buatsaih a ni chu lawmthu a sawi a. Technology lama hmasawnna-in kawng hrang hrangin awlsamna a rawn thlen a, khawl tha tak tak te lo chhuak zelin, heng khawlte hian chakna thahrui kawlphetha tel lo chuan awmzia an nei lem lo a. Chuvangin, ram changkang zawk te ruala ke kan pen ve theih nan, kan ramin kan mamawh ang kawlphetha kan siamchhuah emaw kan lakluh hi a pawimawh hmasa chu a ni tiin a sawi. Kawlphetha siamchhuah kawngah hian India ramin hma nasa takin a la mek a, a bik takin renewable energy siamchhuah hi thupui-ah Central Sawrkarin nei mekin, kum 2070-ah chuan Zero Emission nei turin hma chak takin a la mek a. Hemi bawhzui hian Mizoram sawrkar pawhin hma a la chho mek zel a, DPR leh a kaihhnawih hmalak ngaite buaipui chhoh mek a ni a, Department hotu fel tak tak ten theihtawpin hma an la chho mek zel a ni tiin a sawi.




Khuallian chuan Kawmzawl 132 Sub Station, Lunglei leh Tlawva SHP 5 Mega Watt hawn tawh thu sawiin. Heng bakah hian Kawlbem SHP 3 MW hawn mai theih tura peih fel thawkhat a ni ta te hi a lawmawm hle a ni a ti a. Heng project bakah hian Chite a 33/11kV Sub Station siam hna te, SASCE hnuaia project hrang hrang chak taka kalpui mekte leh NABARD hnuaia hmalak mek te hian nasa takin kawlphetha siamchhuah leh sem chhuah kawngah Zoram mipuite tan malsawmna a thlen ngei ang tiin a sawi. Minister chuan thlasik a intan chho mekin, hunpui kan thleng leh tep a, thlasik khuain a ken tel harsatna hrang hrang Department hnaah kan tawng mai thei a, buaina leh harsatna tel lo a mipuite hnena eng pek chhuah hi kan zavaia kan duhthusam a nih rualin, harsatna lo thleng thin leh lo la thleng theite hi kan control theih piah lam a nih avangin tih theih kan nei tam lo khawp mai a, heng harsatna a lo thlen huna hmachhawn dan tur erawh a inbuatsaih lawk theih a, ruahmanna fel tak nena hmachhawn thei tura inbuatsaih lawk a, mahni bial hre chiang a, vil uluk leh zual turin vawiina kalkhawm te a chah a ni.

Khuallian hian lehkhabu pahnih – Kawlphetha Journal leh Annual Report 2022 a tlangzarh nghal bawk a ni.

He hun hi Er. Benjamin L.Tlumtea, President in a kaihruai a, Er.Lalthanzuala, General Secretary hnen atangin Annual Report ngaihthlak a ni a, member pali sunna hun hman a ni bawk a, pensioner te thlahna hun tawi hman nghal bawk a ni. Chawhma lam khan Business hours hman a ni a, agenda hrang hrang post ruak hnawh khah chungchang, power-a intodelh-Hydel Generation lamah tih leh Electrical accident and safety measures chungchangte ngaihthlak leh sawiho a ni bawk a ni.



(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post