MLA Dr Vanlalthlana'n Govt Aizawl North College tan lehkhabu pe

Aizawl | Nov 15, 2022: Aizawl North II Bialtu MLA, Dr. Vanlalthlana chuan vawiin khan Govt. Aizawl North College hnenah college library-a dah tur lehkhabu ṭhahnem tak a hlan a. Heng lehkhabute hi Mizo lehkhabu rotling leh dah ṭhat atana pawimawh bika ngaih 200 leh UPSC Exam atana inbuatsaihna puitu tur lehkhabu 100 vel a ni a, hemi hmang hian college library-ah Mizo Literature Section leh UPSC Exam Section siam a ni dawn a ni.

Dr. Vanlalthlana chuan, “Mizoram chhuak lehkhabute hi keimahni bak ngaihlutu tur kan awm lo a, lehkhabu ziak lamah kan kal ve thei lo a nih pawhin a lei leh chhiar lamah ṭan la turin ka ngen a che u. Ziak leh chhiar thiam kan tam ang hua state pawn lamah kan ropui loh chhan hi zirna kan kalpui dan dik tawk loh vang a ni lian hle a, zirna hmanga Zoram mipuite leh thangthar lo awm zel turte kawng ṭha a kan hruai hi a pawimawh takzet a ni,” a ti.




Aizawl North-II MLA Dr. Mathlana hian kum hmasa lamah pawh MLA fund atangin Govt. Aizawl North College tan lehkhabu leina a lo pek tawh bakah zirlai khawsak harsate tan admission fee a lo tum sak tawh bawk. College zirtirtute leh zirlaite chuan Bialtu MLA chungah lawmthu an sawi a ni.


(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)




Post a Comment

He post chungchanga i ngaihdan lo sawi ve rawh:

Previous Post Next Post